ខេត្តក្រចេះ ៖ កាលពីវេលាម៉ោង១១ៈ១៥នាទីយប់ ថ្ងៃទី២៨ ខែវិច្ឆិកា ឆ្នាំ២០១៨ នៅចំណុចផ្ទះជនរងគ្រោះ ភូមិគ្រញូងសែនជ័យ ឃុំគ្រញូងសែនជ័យ ស្រុកស្នួល ខេត្តក្រចេះ។ បុរសល្មោភកាមជាប្អូនថ្លៃម្នាក់ មានឈ្មោះ អូ សេងហា ភេទប្រុស អាយុ២៣ឆ្នាំ ជនជាតិខ្មែរ។ ត្រូវបានសមត្ថកិច្ចធ្វើការឃាត់ខ្លួនភ្លាមៗ ក្រោយពីបានដេកមើលរឿងអាសអាភាស ហើយក៏បានបែកគំនិតលូនចូលក្នុងបន្ទប់បងថ្លៃ មានឈ្មោះ អ.ស.ម អាយុ២៤ឆ្នាំ។ ថែមទាំងបានយកដៃស្ទាបអង្អែល និងបម្រុងចាប់រំលោភ តែត្រូវបងថ្លៃដឹងខ្លួនទាន់ បង្កការភ្ញាក់ផ្អើល រួចប្ដឹងឲ្យសមត្ថកិច្ចចាប់ខ្លួនតែម្ដង។
បើតាមសមត្ថកិច្ចបានឱ្យដឹងថា មុនពេលកើតហេតុ ខណៈដែលនារីរងគ្រោះដេកម្នាក់ឯងនៅលើផ្ទះ ស្រាប់តែជនបង្កដែលត្រូវជាប្អូនថ្លៃនេះ បានលួចដើរលបៗចូលក្នុងផ្ទះ ហើយបានធ្វើសកម្មភាពប៉ុនប៉ងរំលោភ ដោយយកដៃស្ទាបអោបអង្អែលខ្លួនដែលជានារីរងគ្រោះ សំណាងល្អពេលនោះនារីរងគ្រោះបានភ្ញាក់ដឹងខ្លួន ដឹងថាមិនមែនជាប្តី តែជាប្អូនថ្លៃ ក៏បានដេញជនបង្កចេញទៅក្រៅផ្ទះវិញ ហើយក៏បានធ្វើការទាក់ទងមកប្តឹងសម្ថកិច្ចតែម្តង។ បច្ចុប្បន្នក្រោយពីទទួលពាក្យបណ្តឹងពីសំនាក់ស្ត្រីរងគ្រោះរួចហើយ ពេលនេះជនសង្ស័យឈ្មោះ អូ សេងហា កំពុងតែត្រូវបានកម្លាំងសមត្ថកិច្ច ធ្វើការឃាត់ខ្លួននៅអធិដ្ឋាននគរបាលស្រុក ដើម្បីធ្វើការសាកសួរ និងកសាងសំណុំរឿងចាត់ការតាមនីតិវិធី ៕