ម៉ាឡេស៊ី: យោងតាមសម្តីបុរសជនជាតិម៉ាឡេស៊ីម្នាក់បាននិយាយថា ទង្វើរមន្រ្តីអន្តោប្រវេសន៏នៅព្រំដែនប្រើអាកប្យកិរិយា មិនសមរម្យមកលើរូបគាត់ហើយបានធ្វើការឃាត់ខ្លួនគាត់បន្ទាប់ពីពិនិត្យនូវលិខិតឆ្លងដែនគាត់រួច។
បុរសម្នាក់នេះបាននិយាយថា រូបគាត់បានបើកបរឡានពីប្រទេម៉ាឡេស៊ីមកកាន់ព្រំប្រទល់ប្រទេសសិង្ហបុរីតាមទម្លាប់ច្បាប់របស់ប្រទេស ប៉ុន្តែនៅពេលមកដល់ព្រំដែនគាត់បានយករូបថតនិងអត្តសញ្ញាណប័ណ្ណរបស់គាត់ភ្លាម ដើម្បីស្កេនលិខិតឆ្លងដែនរបស់គាត់។ នៅពេលដែលគាត់បានប្រគល់ឯកសាទាំងនេះទៅមន្ត្រី ប៉ូលីសពិនិត្យមួយសន្ទុះក្រោយមក ប៉ូលីសក៏បានហែកលិខិតឆ្លងដែលគាត់ចោលដោយចោទថាជាឯកសាក្លែងបន្លំ។
បន្ទាប់មកគាត់បានប្រាប់មន្រ្តីថាប្រសិនបើលិខិតឆ្លងដែនរបស់គាត់ត្រូវបានហែកហួរពិតប្រាកដមែនគាត់មិនអាចឆ្លងកាត់ព្រំប្រទល់ប្រទេសសិង្ហបុរីបានទេ។
យ៉ាងណាក៏ដោយមន្រ្តីត្រួតពិនិត្យនៅព្រំដែនបានបដិសេធមិនស្តាប់គាត់ហើយនាំគាត់ទៅការិយាល័យភ្លាមៗ។ គាត់បានអង្គុយនៅការិយាល័យអស់រយៈពេលជាច្រើនម៉ោងដោយមិនបានផ្តល់ការបំភ្លឺអំពីស្ថានភាពណាមួយឡើយ។ រយះពេលប៉ុន្មានម៉ោងក្រោយមកគាត់ត្រូវប៉ូលីសបានរៀបចំដើម្បីចាប់ខ្លួនគាត់ ហើយបញ្ជាក់ថាគាត់ពុំមានឯកសារគ្រប់គ្រាន់នោះទេ។
គាត់ក៏បានបន្តទៀតថាពួកគេក៏ចង់រឹបអូសឡានរបស់ខ្ញុំហើយពួកគេនិយាយថាខ្ញុំកំពុងចូលប្រទេសរបស់ពួកគេជាមួយនឹងឯកសារក្លែងបន្លំ។ បន្ទាប់មកបុរសម្នាក់នេះបានស្នើសុំត្រឡប់ទៅប្រទេសរបស់គាត់វិញព្រោះនេះជាករណីមិនសូវយកចិត្តទុក ទង្វើរមិនសមគួរនិងអសីលធម៏ពីមន្រ្តីប៉ូលីសនៅតាមព្រំដែននេះ។ គាត់បានប្រាប់មន្រ្តីការិយាល័យនៅទីនោះដែរថាប៉ូលីសបានធ្វើឲ្យរហែកលិខិតឆ្លងដែនរបស់ខ្ញុំ ហើយបាននិយាយថាជាលិខិតឆ្លងដែនរបស់ខ្ញុំក្លែងក្លាយ។
ទោះបីជាគាត់ខំពន្យល់យ៉ាងណាក៏ដោយនៅតែពួកគេមិនព្រមជឿ។ ខ្ញុំសង្ឃឹមថាអាជ្ញាធរនឹងពិនិត្យមើលបញ្ហានេះនិងស្វែងរកដំណោះស្រាយសមស្របមួយសម្រាប់ករណីមួយនេះ។
អត្តបទបកប្រែនិងកែសម្រួលដោយ: ផានិត
ប្រភពពី: World Of Buzz