ប្រព័ន្ធផ្សព្វផ្សាយឥណ្ឌាបានរាយការណ៍កាលពីថ្ងៃពុធថាស្ត្រីអាយុ 22 ឆ្នាំម្នាក់និងកូនស្រីទើប​នឹងកើតរបស់គាត់​បានស្លាប់​បន្ទាប់​ពីគ្រូពេទ្យនៅប្រទេសឥណ្ឌាបានធ្វើការសម្រាលកូនដោយការវះកាត់នៅពេលស្រវឹង។  វេជ្ជបណ្ឌិត Paresh Lakhani ដែលជាវេជ្ជបណ្ឌិតជាន់ខ្ពស់ដែលបានធ្វើការនៅមន្ទីរពេទ្យ Sonavala អស់រយៈពេល 15 ឆ្នាំបានធ្វើការវះកាត់ប្រភេទ C-section ហើយទារកបានស្លាប់នៅពេលដែលម្តាយកើតមក។ របាយការណ៍នេះបានឱ្យដឹងថាគ្រួសារនេះបាន​សម្រេចចិត្តយកនាងទៅមន្ទីរពេទ្យឯកជន​មួយ ប៉ុន្តែនាងបានស្លាប់នៅតាមផ្លូវ។

សាច់ញាតិរបស់នាងបាននិយាយថាវេជ្ជបណ្ឌិតស្រវឹងនៅពេលធ្វើការវះកាត់ស្រ្តីនិងទារកមួយនេះ បន្ទាប់មកសាច់ញាតិរបស់នាង​បានជូនដំណឹងនេះទៅប៉ូលីស។ ប៉ូលីសបានធ្វើតេស្តហើយបានបញ្ជាក់ថា វេជ្ជបណ្ឌិត Lakhani ពិតជាមានជាតិស្រវឹងមែន។ប៉ូលីសបានស្នើសុំ Postmortem ដើម្បីកំណត់ថាតើការស្លាប់នេះដោយសារតែការធ្វេសប្រហែសខាងវេជ្ជសាស្ត្រ។យោងតាមគោលការណ៍ណែនាំរបស់តុលាការកំពូលមានតែ​គណៈកម្មាធិដែលដឹកនាំដោយ​គ្រូពេទ្យវះកាត់​ស៊ីវិល​ប៉ុណ្ណោះដែលអាច​កំណត់ការចោទប្រកាន់ដោយការធ្វេសប្រហែស​ប្រសិនបើរបាយការណ៍នេះមាន​លក្ខណៈវិជ្ជមាន​យើងនឹងធ្វើចាត់វិធានការទៅតាមផ្លូវច្បាប់។

អត្តបទបកប្រែនិងកែសម្រួលដោយ: ផានិត

ប្រភពពី: CNA