កូនថោកទាប ខឹងសុំលុយឪពុកមិនបាន ទាញដងរែកវាយឪពុក បណ្ដាលឲ្យរយះកែងដៃស្ដាំ ដេរអស់៥ថ្នេរ
ខេត្តតាកែវៈ កាលពីថ្ងៃទី៣០ ខែវិច្ឆិកា ឆ្នាំ២០១៨ ស្ថិតនៅភូមិតាកឹម ឃុំតាភេម ស្រុកត្រាំកក់ ខេត្ត តាកែវ។ មានករណីហិង្សាហួសចិត្តមួយ ដោយជនសង្ស័យម្នាក់ ជាកូនថោកទាប មានឈ្មោះ សើ វេហា ភេទប្រុស អាយុ២៩ឆ្នាំ រស់នៅភូមិឃុំកើតហេតុ។ ត្រូវបានសមត្ថកិច្ចឃាត់ខ្លួន ក្រោយពីបានប្រើហិង្សាយកដងរែកវាយឪពុករបស់ខ្លួន មានអាយុ៦៤ឆ្នាំ រស់នៅជាមួយគ្នា បណ្ដាលឲ្យរយះកែងដៃស្ដាំ ត្រូវបានបញ្ជូនទៅមណ្ឌលសុខភាព ដេរអស់៥ថ្នេរ។ ដោយសារខឹងសុំលុយឪពុកមិនបាន។ ករណីនេះ សមត្ថកិច្ចកំពុងកសាងសំណុំរឿងតាមនីតិវិធីច្បាប់ ៕
ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។
