ភ្នំពេញៈ កាលពីវេលាម៉ោងជាង៩យប់ ថ្ងៃទី២ ខែធ្នូ ឆ្នាំ២០១៨ ស្ថិតនៅត្រង់ចំណុចផ្ទះលេខ៥២៩ ផ្លូវជាតិលេខ៥ ក្រុមទី១៥ ភូមិមិត្តភាព សង្កាត់ឬស្សីកែវ។ មានហេតុការណ៏ភ្ញាក់ផ្អើលមួយ ដោយកូនតិរិច្ឆានម្នាក់ មានឈ្មោះ មន្នី ច័ន្ទតារា ហៅ ញ៉ាញ់ អាយុ២៥ឆ្នាំ មុខរបរ មិនពិតប្រាកដ ជាមុខសញ្ញាចាស់ប្រើប្រាស់។ បានយកកាំបិតបុ័ងតោ ដេញកាប់ម្ដាយរបស់ខ្លួន មានឈ្មោះ ជួប ចិន្តា អាយុ៤១ឆ្នាំ មានមុខរបរ ជាកម្មាការនី ស្នាក់នៅចំណុចផ្ទះកើតហេតុខាងលើ មិនឲ្យចូលផ្ទះឡើយ ដែលគេសង្ស័យថា កំពុងបែកថ្នាំ។
ក្រោយពីទទួលបានសេចក្ដីរាយការណ៍ ពីប្រជាពលរដ្ឋ និងស្ត្រីជាម្ដាយ សមត្ថកិច្ចនគរបាលខណ្ឌឫស្សីកែវ បានធ្វើការបង្ក្រាប ចាប់ឃាត់ខ្លួនជនសង្សយ័នេះបានភ្លាមៗ ដកហូតបានកាំបិតប័ុងតោ១ ផ្លែកាំបិតផ្គាក់១ រួមជាមួយឧបករណ៍ប្រើប្រាស់ថ្នាំញៀនមួយចំនួន។ ជនសង្ស័យជាមុខសញ្ញាប្រើប្រាស់គ្រឿងញៀន ដែលបង្កអំពើហិង្សាក្នុងគ្រួសារ (ទាញកាំបិតដេញកាប់ម្ដាយរបស់ខ្លួនមិនឲ្យចូលផ្ទះ) បន្ទាប់ពីឃាត់ខ្លួន រួមជាមួយវត្ថុតាង ត្រូវបាននាំយកមកឃុំខ្លួនបណ្ដោះអាសន្ន នៅអធិការដ្ឋាននគរបាលខណ្ឌឫស្សីកែវ ក្នុងការកសាងសំណុំរឿង ដើម្បីបញ្ជូនទៅកាន់សាលាដំបូងរាជធានីភ្នំពេញ ចាត់ការតាមនីតិវិធី ៕
