ខេត្តមណ្ឌលគិរី ៖ មានហេតុការណ៍អគ្គីភ័យមួយបានឆាបឆេះផ្ទះប្រជាពលរដ្ឋចំនួន ២ខ្នង ស្នេីនឹង ២គ្រួសារទាំងស្រុង នៅស្រុកពេជ្រាដាអស់តែមិនបណ្តាលឱ្យរងគ្រោះថ្នាក់ដល់អាយុជីវិតមនុស្សនោះទេ។
ហេតុការអគ្គីភ័យឆាបឆេះដ៏ភ្ញាក់ផ្អើលនេះបានកើតឡើងនៅវេលាម៉ោង ១៤.៣០នាទីថ្ងៃចន្ទ័ ទី៣ ខែធ្នូ ឆ្នាំ២០១៨ នៅភូមិប៊ូស្រា ឃុំប៊ូស្រា ស្រុកពេជ្រាដា ខេត្តមណ្ឌលគិរី។
ប្រភពពី លោកវរសេនីយ៍ត្រី ចាន់ ដារាអធិការរងនគរបាលស្រុកពេជ្រាដាបានឱ្យដឹងថា ផ្ទះឈើដែលឆេះអស់ទាំងស្រុងចំនួន ពីរខ្នង នេះ រួមទាំងសម្ភារៈប្រើប្រាស់មួយចំនួន ទី១.ឈ្មោះ គង់ សុឃាង ភេទស្រី អាយុ៣២ឆ្នាំ ជនជាតិខ្មែរ រស់នៅភូមិប៊ូស្រា ស្រុកពេជ្រាដា ខេត្តមណ្ឌលគិរី ។
២. ឈ្មោះ អ៊ុន អាត ភេទប្រុស អាយុ៤០ឆ្នាំ ជនជាតិខ្មែរ មុខរបរជាងផ្ទះ រស់នៅផ្ទះជួលគេ ស្រុកកំណើតនៅភូមិកញ្ចៀ្រច ឃុំកញ្រ្ចៀច ស្រុកកញ្រ្ចៀច ខេត្តព្រៃវែង ។
លោកបន្តថា មូលហេតុដែលបណ្តាលឱ្យអគ្គិភ័យឆេះផ្ទះ បណ្តាលមកពីឆ្លងចរន្តអគ្គីសនី តែពុំមានបង្កគ្រោះថ្នាក់ដល់អាយុជីវិតនោះឡើយ ។
លោកថា ការជួយអន្តរាគមន៍ពន្លត់អគ្គិភ័យនេះ ប្រើប្រាស់កម្លាំងចំនួន១២នាក់ និងប្រើប្រាស់ទឹកអស់ ៣ រថយន្ត ជាលទ្ធផលទប់ស្កាត់បានល្អប្រសើរ ៕
ដោយៈ ភារ៉ា
