ព្រះវិហារៈ នៅព្រឹកថ្ងៃទី០៦ ខែធ្នូ ឆ្នាំ២០១៨នេះ ប្រជាពលរដ្ឋខ្មែរចំនួន៧នាក់ ដែលអាជ្ញាធរថៃ បានចាប់ខ្លួន កាលពីថ្ងៃទី៤ ខែធ្នូ ឆ្នាំ២០១៦ កន្លងទៅ ស្ថិតនៅក្នុងភូមិសាស្ត្រ ស្រុកណាំឃុន ខេត្តឧប៊ុន ប្រទេសថៃ ពីបទលួចឆ្លងដែនខុសច្បាប់ ចូលកាប់ឈើគ្រញូង តាមចំណុចព្រលានតាទុំ នៅក្នុងភូមិសាស្ត្រ ភូមិឈើទាលគង ស្រុកជាំក្សាន្ត ខេត្តព្រះវិហារ។
បានបញ្ជូនមកឱ្យអាជ្ញាធរកម្ពុជាវិញ តាមច្រកអានសេះ ស្ថិតនៅក្នុងស្រុកជាំក្សាន្ត ខេត្តព្រះវិហារ។ បើគិតថ្ងៃដែលអាជ្ញាធរថៃធ្វើការដោះលែងមកវិញ គឺប្រជាពលរដ្ឋខ្មែរទាំង៧នាក់នេះ ជាប់ឃុំឃាំងក្នុងម្នាក់២ឆ្នាំមកហើយ។
ពលរដ្ឋខ្មែរទាំង៧នាក់នេះ រួមមានទី១.ឈ្មោះ សូ រ៉ន ភេទប្រុស អាយុ៤៤ឆ្នាំ ទី២.ឈ្មោះ កែវ យុទ្ធ ភេទប្រុស អាយុ៣៦ឆ្នាំ ទី៣.ឈ្មោះ ខន ភីអិច ភេទប្រុស អាយុ១៨ឆ្នា, ទី៤.ឈ្មោះ អៀង ឯក ភេទប្រុស អាយុ២៥ឆ្នាំ ទី៥.ឈ្នោះ យ៉ន រីមសុខ ភេទប្រុស អាយុ៥៦ឆ្នាំ ទី៦.ឈ្មោះ យាង កែន ភេទប្រុស អាយុ២៩ឆ្នាំ និងទី៧.ឈ្មោះ ទិត្យ សៀ ភេទប្រុស អាយុ៣៤ឆ្នាំ។ សមត្ថកិច្ចទំនាក់ទំនងព្រំដែន ច្រកតំបន់អានសេះ បានឱ្យវិលត្រឡប់ទៅផ្ទះវិញរៀងៗខ្លួន ដើម្បីជួបជុំក្រុមគ្រួសារ និងសាច់ញាតិ ៕
