ក្មេងស្រីអាយុ 3 ឆ្នាំម្នាក់ឈ្មោះ Yan Yan មកពីខេត្ត Shandong ប្រទេសចិនបានក្លាយជាអ្នករស់រានមានជីវិត​ពីជំងឺ​មហារីក​សុដន់ដែលវ័យក្មេងបំផុត នៅពេលដែលការព្យាបាលរបស់នាង​ត្រូវបានអនុវត្តយ៉ាងជោគជ័យបន្ទាប់ពី​ការរកឃើញ​ដំបូង​នៃ​ជំងឺនេះ។ ប្រភពមួយបានបានរាយការណ៍ថា ម្ដាយរបស់នាងបានឃើញដំពកមួយនៅលើដើមទ្រូងខាងឆ្វេង ទើបគាត់​សង្ស័យ​ហើយបានបញ្ជូនកូនស្រីរបស់គាត់ទៅកាន់បន្ទីរពេទ្យភ្លាមៗ ។

នៅពេលពិនិត្យរួចរាល់ហើយលោកវេជ្ជបណ្ឌិតបានប្រាប់ម្តាយឱ្យឈប់ផ្តល់អាហារបំប៉នរបស់ Yan Yan ដោយសារ​តែកូនស្រី​របស់នាងកំពុងបង្ហាញពីភាពលូតលាស់ខាងផ្លូវភេទ។ ទោះជាយ៉ាងណាក៏ដោយម្តាយរបស់ Yan Yan បានបង្ហើប​ឱ្យដឹង​ថា​កូនស្រីរបស់គាត់មិនបានទទួលថ្នាំគ្រាប់អ្វីនោះទេ។ វេជ្ជបណ្ឌិតនៅមន្ទីរពេទ្យជៀងស៊ូបានពិនិត្យ ឃើញថាសុដន់ខាងឆ្វេងរបស់ យ៉ានយ៉ាន មានម៉ាសនិង កូនកណ្តុរហើមនៅក្លៀករបស់នាង ។ ក្រោយពីការច្រិបយកដុំសាច់នៅលើទ្រូងខាងឆ្វេងចេញហើយ លោក វេជ្ជបណ្ឌិតបានបង្ហាញ​ឱ្យឃើញថា Yan Yan បានទទួលរងពីជំងឺមហារីកសុដន់ពិតមែន (Secretory Breast Carcinoma) (SBC) ។

បន្ទាប់ពីនោះ Yan Yan បានឆ្លងកាត់ការវះកាត់ដែលត្រូវបានអនុវត្តដោយអ្នកឯកទេសជំងឺមហារីកសុដន់ Tang Jin Hai ។ មុនពេលវះកាត់វេជ្ជបណ្ឌិតបានពិគ្រោះយោបល់ជាមួយអ្នក​ឯកទេសជាច្រើនមកពីសាលាវេជ្ជសាស្ត្រហាវ៉ាដ​ហើយបាន​រៀបចំ​សន្និសីទវីដេអូជាមួយពួកគេដើម្បីនិយាយអំពីផែនការព្យាបាល។  Yan Yan ត្រូវបានត្រឡប់ទៅផ្ទះវិញនៅថ្ងៃទី៣ ខែ ធ្នូ ឆ្នាំ២០១៨ក្រោយពីការវះកាត់។ វាពិតជាបទពិសោធន៍ដ៏លំបាកមួយដើម្បីវះកាត់ដុំសាច់មហារីកនេះ ជាពិសេស ម្រាប់កុមារីដូចជា Yan Yan ក្រុមគ្រូពេទ្យបានសរសើរកុមារី Yan Yan ថាមានភាពអត់ធ្មត់របស់​កុមារីនេះ​ក្នុង​ការ​វះ​កាត់៕

អត្តបទបកប្រែនិងកែសម្រួលដោយ: ផានិត

ប្រភពពី: World Of Buzz