ឥណ្ឌូនេស៊ី: ក្រុមហ៊ុនអាកាសចរណ៏ Lion Air បាននិយាយនៅថ្ងៃចន្ទទី ១០ ធ្នូ ថាតួលេខអ្នកដំណើរបានធ្លាក់ចុះជាង ៥ភាគរយ​នៅ​ក្នុង​ខែ​វិច្ឆិកា​បើប្រៀបធៀបទៅនឹងឆ្នាំមុនបន្ទាប់ពីយន្ដហោះបូអ៊ីង 737 MAX របស់ក្រុមហ៊ុនអាកាសចរណ៏ Lion Air បាន​ធ្លាក់នៅ​ចុង​ខែតុលាដែល​បាន​សម្លាប់​មនុស្ស​អស់ ១៨៩ នាក់។ ​ ​អគ្គនាយកក្រុមហ៊ុនអាកាសចរណ៍លោក Edward Sirait បាន​ប្រាប់​បណ្តាញទូរទស្សន៍ CNN Indonesia ថា "មានការធ្លាក់ចុះនេះ មកពីភ្ញៀវទេសចរណ៍មានការខ្លាចរអារ​ក្រោយពី​មានហេតុការ​ធ្លាក់​យន្តយោះកាលពីពេលថ្មីៗកន្លងមកនេះ។

លោកអគ្គនាយកក្រុមហ៊ុន Lion Air​ បានមានប្រសាសន៍ថាភ្ញៀវទេសចរណ៍មានការធ្លាក់ចុះជាង ៥ ភាគរយក្នុងកំឡុងខែ វិច្ឆិកានិង​ដើមខែធ្នូនេះ។ ក្រុមហ៊ុនអាកាសចរណ៍ដែលធំជាងគេបំផុតរបស់ប្រទេសឥណ្ឌូណេស៊ីគឺជាកម្មសិទ្ធិឯកជន​និងមិនចេញផ្សាយជាសាធារណៈនូវស្ថិតិចរាចរណ៍ផ្លូវអាកាសឬលទ្ធផលហិរញ្ញវត្តុនោះទេ។ លោក Sirait បាននិយាយកាល​ពីសប្តាហ៍មុនថាក្រុមហ៊ុន Lion Air កំពុងពិចារណាលុបចោលការបញ្ជាទិញយន្ដហោះ 737 MAX ប៉ុន្តែមិនទាន់​បានធ្វើការសម្រេចចិត្តនៅឡើយទេ។

ការផ្សព្វផ្សាយពីប្រភពសារព័ត៍មានរ៉យទ័រថាទំនាក់ទំនងរវាងក្រុមហ៊ុនអាកាសចរណ៍និងក្រុមហ៊ុន Boeing កាន់តែអាក្រក់ឡើង ៗ ដោយសារតែលែងទុកចិត្តពីភ្ញៀវទេសចរណ៏ក្នុងការធ្លាក់យន្តហោះនេះ។ ក្រុមហ៊ុនអាកាសចរណ៍ Lion Air ឥណ្ឌូនេស៊ី​កំពុងមាន​ការយកចិត្តទុកដាក់បន្ទាប់ពីការធ្លាក់យន្តហោះ Lionក្រុមហ៊ុនអាកាសចរណ៍នេះមានយន្តហោះ Boeing ១៩០ គ្រឿងដែល​មាន​តំលៃ ២២ ពាន់លានដុល្លារក្នុងតម្លៃចុះបញ្ជីដែលកំពុងរង់ចាំដល់​ការដឹកជញ្ជូនដែលមាន​ចំនួន​លើស​ពី​១៩៧ ដែលបាន​ធ្វើ​ឱ្យអតិថិជន​​​មានការគាំទ្រឡើងវិញ ដោយមានការលើកទឹកចិត្តពីសហរដ្ឋអាមេរិក។

អត្តបទបកប្រែនិងកែសម្រួលដោយ :ផានិត

ប្រភពពី: CNA