ថៃ: ក្រុមហ៊ុនភាគច្រើនត្រូវមានច្បាប់ការងារត្រឹមត្រូវសំរាប់និយោជិកមានសិទ្ធិទទួលបានការឈប់សម្រាកដោយការអាណិតអាសូរក្នុងករណីដែលសមាជិកគ្រួសាររបស់ពួកគេបាត់បង់ជីវិត។ គួរឱ្យសោកស្តាយក្រុមហ៊ុនមួយនៅប្រទេសថៃដែលមិនបានបញ្ចេញឈ្មោះ ថៅកែថែមទាំងបានសាកសួរបុគ្គលិកដែលបានស្នើសុំឈប់សំរាកក្នុងពិធីបុណ្យសពម្តាយរបស់គាត់។ នៅថ្ងៃទី 28 ខែវិច្ឆិកាអ្នកនិយមលេងអ៊ិនធើណែតម្នាក់បានសរសេរសារលើគេហទំព័រ Twitter បន្ទាប់ពីចៅហ្វាយរបស់គាត់បានសួរចម្លើយពីភាពចាំបាច់នៃការចូលរួមពិធីបុណ្យសពម្តាយរបស់គាត់។ ថៅកែបាននិយាយថា តើម្ដាយរបស់អ្នកនឹងភ្ញាក់ឡើងវិញទេប្រសិនបើអ្នកចូលរួមពិធីបុណ្យសពរបស់គាត់? ប្រសិនបើអ្នកមិនទៅទេនោះក្រុមគ្រួសារអ្នកនឹងបន្តធ្វើពិធីបុណ្យសពនេះរហូតដល់បញ្ចប់កម្មវិធី។ ដូច្នេះអ្នកមិនត្រូវបានអនុញ្ញាតឱ្យឈប់សំរាកនោះទេ។ លោកបានបន្ថែមថាការខកខានមិនបានបង្ហាញខ្លួននៅកន្លែងធ្វើការនឹងបណ្តាលឱ្យប្រាក់ខែរបស់គាត់ត្រូវបានកាត់។
ហេតុដូច្នេះជំនួសឱ្យការស្នើសុំឱ្យឈប់សំរាកបុគ្គលិកបានដាក់លិខិតលាលែងពីតំណែង។ បន្ទាប់ពី Tweet បានរីករាលដាលនៅលើបណ្តាញសង្គមអ្នកនិយមលេងអ៊ីនធឺណិតបានគាំទ្រការសម្រេចចិត្តរបស់គាត់ដើម្បីចាកចេញពីក្រុមហ៊ុនខណៈពេលដែលអ្នកផ្សេងទៀតបានចែករំលែករឿងរ៉ាវផ្ទាល់ខ្លួនរបស់ពួកគេនៅក្នុងការអត្ថាធិប្បាយ។
គួរបញ្ជាក់ថា ទោះជាការងារនៅគ្រប់ក្រុមហ៊ុនគ្រប់ស្ថាប័នរដ្ឋ និងឯកជនទេគឺតម្រូវឲ្យបុគ្គលិកបានឈប់សំរាកពីការងារនៅពេលពួកគាត់រវល់ឬក៍សមាជិកគ្រួសាររបស់ពួកគាត់មាននរណាម្នាក់ស្លាប់។
អត្តបទបកប្រែនិងកែសម្រួលដោយ: ផានិត
ប្រភពពី: WOB