កំពង់ស្ពឺៈ កាលពីវេលាម៉ោង២ទៀបភ្លឺ ឈានចូលថ្ងៃទី១៣ ខែធ្នូ ឆ្នាំ២០១៨នេះ ស្ថិតនៅក្នុងបន្ទប់ការិយាល័យរបស់ក្រុមហ៊ុន ភ្នំពេញ ស៊ូហ្គើរ (PPS) ស្ថិតក្នុងភូមិអូរអង្គុំ ឃុំអមលាំង ស្រុកថ្ពង ខេត្តកំពង់ស្ពឺ។ កម្លាំងនគរបាលប៉ុស្តិ៍អមលាំង និងកម្លាំងជំនាញរបស់អធិការដ្ឋានស្រុក សហការគ្នាជាមួយកម្លាំងសន្តិសុខរបស់ក្រុមហ៊ុនឯកជន បានឃាត់ខ្លួនជនសង្ស័យបានម្នាក់ ជាជនចិន ដែលធ្វើសកម្មភាពកាត់ចម្រឹងដែកបង្អួច ក្នុងគោលបំណងចូលលួចយកទូដែក ខណៈបក្ខពួក២នាក់ទៀតរត់គេចខ្លួនបាត់។
ប្រភពពីសមត្ថកិច្ចបានឲ្យដឹងថា ជនសង្ស័យជាជនចិន ដែលសមត្ថកិច្ចឃាត់ខ្លួនខាងលើនេះ មានឈ្មោះ ហ្វាង ជីងភីង ភេទប្រុសអាយុ៥០ឆ្នាំ ស្នាក់នៅក្រុងភ្នំពេញ។ ចំណែកឯក្រុមជនសង្ស័យ២នាក់ទៀត បានរត់គេចខ្លួនបាត់។ ករណីនេះសមត្ថកិច្ច ជំនាញកំពុងសាវជ្រាវបន្ត ៕
