កក្រើកហ្វេសប៊ុក! អ្នកអង្គម្ចាស់ក្សត្រីតូច នរោត្តម ជេនណា ច្រៀង៣ភាសា ខែ្មរ ចិន និងអង់គ្លេស ក្នុងថ្ងៃទិវាកុមារអន្តរជាតិ(មានវីដេអូ)

បងប្អូនប្រហែលជាស្គាល់ អ្នកអង្គម្ចាស់ក្សត្រីតូច នរោត្តម ជេនណា ជាបុត្រីទីពីររបស់អ្នកអង្គម្ចាស់ នរោត្តម បុប្ឆារី។ ទ្រង់បានប្រសូតនៅថ្ងៃទី ១១ ខែមីនា ឆ្នាំ ២០១១ មកដល់បច្ចុប្បន្នទ្រង់មានព្រះជន្ម ៨ ព្រះវស្សាហើយ។

មួយរយៈចុងក្រោយនេះ អ្នកលេងក្នុងបណ្តាញសង្គមហ្វេសប៊ុក ពិតជាភ្ញាក់ផ្អើល ជាមួយអ្នកអង្គម្ចាស់ក្សត្រីតូច នរោត្តម ជេនណា ដោយសារតែ រូបសម្រស់ ថែមទាំងមានសមត្ថភាពខ្លាំងនៅក្នុងផ្នែកសិល្បៈ ជាច្រើនមុខ។ ក្រៅពីមានរូបសម្រស់ដ៏ស្រស់ស្អាតដូចតារាបរទេស ទ្រង់អាចនិយាយរហូតដល់ ៥ ភាសា គឺ ខ្មែរ ថៃ ចិន បារាំង និងអង់គ្លេស ហើយថែមទាំងចេះចម្រៀងសម័យ បុរាណ និងដើរម៉ូដថែមទៀតផង ហើយពេលទំនេរពីការសិក្សា។

ក្នុងនោះដែរថ្មីៗនេះ ទ្រង់បានបញ្ចេញចម្រៀង ៣ភាសា (ខ្មែរ/ចិន/អង់គ្លេស ) ក្នុងឪកាសរីករាយទិវាកុមារអន្តរជាតិចំពោះកុមារទាំងអស់នៅលើពិភពលោក។ ក្រោយពីបានបង្ហោះចម្រៀងនេះភ្លាម បានធ្វើឲ្យបណ្តាអ្នកគាំទ្រជាច្រើនពិតជាពេញចិត្ត និងសរសើរមិនដាច់ពីមាត់ ថាទ្រង់នៅតូចប៉ុណ្ណឹងសោះ តែមានសមត្ថភាពនៅក្នុងវិស័យសិល្បៈបានយ៉ាងល្អ។មិនត្រឹមតែប៉ុណ្ណោះសូម្បីតែ ភាសាបរទេសទ្រង់ក៏អាចច្រៀងបានច្រើន និងពីរោះខ្លាំង ស្ទើរតែគ្រប់បទមិនថាជាបទបែបណា ត្រូវប្រើប្រាស់សម្លេងខ្ពស់យ៉ាងណាក្តី អ្នកអង្គម្ចាស់ក្សត្រីតូច នរោត្តម ជេនណា ធ្វើបានល្អ ច្រៀងមិនឲ្យភ្លាត់នោះទេ៕