ដូចដែលប្រិយមិត្តជាច្រើនបានជ្រាបហើយថា លោក ផែង វណ្ណៈ បានត្រូវដោះលែងឲ្យមានសេរីភាពឡើងវិញនៅថ្ងៃទី១៨ ខែមិថុនា ឆ្នាំ២០១៩ម្សិលមិញនេះ ក្រោយពីរូបលោកត្រូវបានឃុំខ្លួនកាលពីថ្ងៃទី៣ ខែមេសា ឆ្នាំ២០១៩ កន្លងទៅ ដែលមានរយៈពេល ២ខែ ១៥ថ្ងៃ ។
គួរបញ្ជាក់ផងដែរ កាលពីថ្ងៃទី១៤ ខែមិថុនា ឆ្នាំ២០១៩ សាលាដំបូងរាជធានីភ្នំពេញ បានបើកសវនាការលើសំណុំរឿងជនជាប់ចោទ ផែង វណ្ណៈ ពាក់ព័ន្ធករណីញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបរិហាកេរ្តិ៍ជាសាធារណៈ។
យ៉ាងណាមិញ កាលពីពេលថ្មីៗនេះ ស្រាប់តែលេចវត្តមានលោក ផែង វណ្ណៈ កំពុងតែនៅកន្លែងច្រៀងជាមួយនឹង លោកសាន្ត ប៊ុនធឿន ជួបជុំគ្នា អបអរដែលលោកត្រូវបានដោះលែងឲ្យមានសេរីភាពឡើងវិញ ពោលពេញទៅដោយទឹកមុខស្រស់ថ្លា និងស្នាមញញឹមគ្រប់គ្នា។
ជាមួយគ្នានោះផងដែរ លោកសាន្ត ប៊ុនធឿន បានបង្ហោះសារជូនពរលោក ផែង វណ្ណៈថា "អបអរសាទរបងត្រូវបានដោះលែង គោរព អរគុណ សម្ដេចតេជោ ហ៊ុន សែន ដែលតែងតែសន្តោសប្រោសប្រណីចំពោះពលរដ្ឋខ្មែរ"។
មានវិដេអូ៖
ប្រភព៖ San Buntheoun