នៅចាំប្អូនស្រីម្នាក់នេះបានទេ? ប្រិយមិត្តមួយចំនួនប្រាកដជានៅចាំច្បាស់កាលពីដើមឆ្នាំ២០១៨មានករណីរឿងរ៉ាវ​យុវជនមួយរូបបន្លំ​ខ្លួន​ជា​កូនកំលោះលប​ឡើង​ទៅ​រួមរ័ក​ជាមួយ​កូនក្រមុំ ឯ​កូនក្រមុំ​នឹក​ស្មានថា ជា​អនាគត​ប្តី ក៏​បណ្តោយ​ខ្លួន​ឱ្យ​ប្រុស​កំហូច​រួមរ័ក​ដល់​ទៅ​៣​ដង ក្នុង​១​យប់​នោះ។ ជាហេតុធ្វើឲ្យកូនកម្លោះ និងក្រុមគ្រួសារមិនទទួលយកកូនក្រមុំ ទាមទារ​បណ្ណាការ​ពី​ម្តាយ​ខាង​ស្រី ចំនួន​១,៤០០​ដុល្លារ​មក​វិញ ។

ក្រោយពីស្ងាត់មួយរយៈពេលមក ស្រាប់តែមុននេះបន្តិចលោក តាន់ គឹមសួរ បានបង្ហោះសារនៅលើបណ្តាញសង្គមរបស់ខ្លួនថា "ទីបំផុត

ខ្ញុំក៏ដូចជាពុកម៉ែបងប្អូនទូទាំងប្រទេសដែរ ចេះតែឆ្ងល់ថាហេតុអ្វីរឿងក្តីមួយនេះត្រូវបានអូសបន្លាយយូរយ៉ាងនេះ តាមពិតដីកាបង្គាប់ឲ្យចាប់ខ្លួនបានចេញតាំងពី៨ខែមុន។ មិនដឹងថាសមត្ថកិច្ចពាក់ព័ន្ធមិនធ្វើការឬរកជនជាប់ចោទមិនឃើញឬមានអ្វីជាអាថ៌កំបាំងនៅពីក្រោយបានជាជនជាប់ចោទតែងតែបង្ហាញខ្លួននៅក្នុងកម្មវិធីផ្សេងៗដោយមិនមានការខ្លាចរអាបែបនេះ???? ដូចនេះហើយមានតែពឹងពាក់ឲ្យមហាជនជួយស្វែងរកជនជាប់ចោទនេះដើម្បីរាយការណ៍ទៅចៅក្រមស៊ើបសួរហើយ??? សូមស្ថាប័នពាក់ព័ន្ធនានាជួយផង??? ជាចុងក្រោយសូមថ្លែងអំណរគុណយ៉ាងខ្លាំងចំពោះលោក យឹម វិស្សុត ដែលជាមេធាវីស្ម័គ្រចិត្តរបស់សម្តេចអគ្គមហាសេនាបតីតេជោហ៊ុនសែនដែលបានខ្នះខ្នែងយកចិត្តទុកដាក់ក្នុងការស្វែងរកយុត្តិធម៌ជូនជនរងគ្រោះ???"។

ប្រភព៖ Tan Kimsour