ភ្នំពេញ៖ ប្រិយមិត្តបានជ្រាបហើយថា កម្មវិធីX-Factor Cambodia ដែលបងប្អូនកំពុងរងចាំបានមកដល់ហើយ ក្នុងវគ្គដំបូង Judge Audition សប្តាហ៍ទី១ នារាត្រីនេះហើយ នៅវេលាម៉ោង ៨យប់ថ្ងៃទី០៧ ខែកក្កដានេះហើយ នៅលើកញ្ចក់ទូរទស្សន៍ហង្សមាស HDTV។
ហើយអ្វីដែលកាន់តែកន្ត្រាក់អារម្មណ៍ទស្សនិកជនឲ្យកាន់តែពុះកញ្ជ្រោលចំពោះកម្មវិធីប្រលងចម្រៀងលំដាប់ពិភពលោកថ្មីមួយនេះនោះ គឺបានប្រមូលផ្តុំគណកម្មការសុទ្ធតែជាតារាលំដាប់កំពូលប្រចាំប្រទេសមករួមគ្នាដែលមានដូចជា លោក ខេមរៈ សិរីមន្ត, កញ្ញា ឱក សុគន្ធកញ្ញា, លោក ណុប បាយ៉ារិទ្ធ និង កញ្ញា សុខ សីឡាលីន ។
គួរបញ្ជាក់ផងដែរថា X-Factor គឺជាកម្មវិធីប្រលងចម្រៀងដ៏ល្បីរន្ទឺពេញពិភពលោក ហើយផលិតកម្មហង្សមាស បាននាំមកជាពិសេសសម្រាប់ប្រជាជនកម្ពុជាដែលទន្ទឹងចង់ឱ្យមានកម្មវិធីដ៏អស្ចារ្យនេះ។ ដោយឡែកសំរាប់ បេក្ខជន ចាន់ កូម៉ែន មកពីខេត្តកំពត អាយុ២៦ឆ្នាំ ដែលជាអ្នកចម្រៀងតាមអាហ្វែរ បានលើកយកបទចម្រៀង ”សង្សារបងអើយ ឲ្យបងសុំទោស” ជាសំនៀងដើមរបស់លោក ខេមរៈ សិរីមន្ត បានយកបទនេះឡើង សំរាប់ប្រកួតប្រជែងក្នុងកម្មវិធីដ៏ធំនេះ ។ ក្រោយពីច្រៀងចប់ បានធ្វើឲ្យមហាជនបានកោតសរសើរថា ពិរោះ និងស្រែកបានលះល្អណាស់ មិនចាញ់ម្ចាស់ដើមប៉ុន្មានទេ ជាពិសេសត្រូវបានគណៈកម្មការ ឆ្លើយថា "YES" ។
សូមទស្សនាវីដេអូខាងក្រោម៖