ភ្នំពេញ៖ មហាជនជាច្រើន ប្រាកដជាបានទស្សនា កម្មវិធីដ៏ថ្មីមួយរបស់ទូរទស្សន៍ហង្សមាស HDTV ដែលកំពុងតែដំណើរយ៉ាងរលូន ទទួលបានការចាប់អារម្មណ៍ពីសំណាក់មហាជនជាច្រើន ដើម្បីឲ្យមហាជនបានទស្សនា និងធ្វើឲ្យចង់បង្ហាញឲ្យពិភពលោក បានដឹងថាកូនខ្មែរក៏មានសមត្ថភាពល្អ ក្នុងការច្រៀងជាភាសាអង់គ្លេសផងដែរ។
កម្មវិធី X-Factor Cambodia ជាកម្មវិធីប្រលងចម្រៀងលំដាប់កំពូលល្បីទូទាំងពិភពលោក ដែលមានបេក្ខជន បេក្ខនារី ជាច្រើនបានចូលរួមប្រកួតប្រជែងគ្នា ដើម្បីបំពេញក្តីស្រម៉ៃ របស់ពួកគាត់រៀងៗខ្លួន។
នៅក្នុងកម្មវិធីលំដាប់ពិភពលោក X-Factor Cambodia ដែលមានគណកម្មការចំនួន៤ រួមមាន លោក ខេមរៈ សិរីមន្ត, កញ្ញា ឱក សុគន្ធកញ្ញា, លោក ណុប បាយ៉ារិទ្ធ និង កញ្ញា សុខ សីឡាលីន ។
ក្នុងសប្តាហ៍ទៅមួយនេះ មានបេក្ខជន បេក្ខនារីជាច្រើន បានបង្ហាញសមត្ថភាព តាមរយៈការបង្ហាញសមត្ថភាពច្រៀង យ៉ាងក្រអួនក្រអៅ ទៅកាន់មហាជន ដើម្បីជួយដាក់ពិន្ទុ សំរាប់ពួកគាត់។ យ៉ាងណាមិញ នារាត្រីនោះ ក៏មានបេក្ខនារីម្នាក់ ដែលមានឈ្មោះថា ពិត ណាតច័ន្ទឆដា មានអាយុ២៤ ឆ្នាំ មកពី ភ្នំពេញ និងបកស្រាយចំរៀងមួយបទដែលមានចំណងជើងថា "HALO"។
"HALO " ជាបទចំរៀងមួយបទ ដែលអាចនិយាយបានថា ពិបាកនៅក្នុងការច្រៀងមែនទែន ព្រោះបទចំរៀងមួយបទ តឹង ត្រូងការសំលេងខ្ពស់ ដើម្បីធ្វើការបកស្រាយ ។ ជាក់ស្តែង កញ្ញា ច័ន្ទឆដា ក៏ធ្វើបានដោយជោគជ័យ និងទទួលបាន "yes" បីពីគណកម្មការយើងតែប៉ុណ្ណោះ៕
សូមទស្សនាវិដេអូខាងក្រោមទាំងអស់គ្នា៖