ប្រិយមិត្តជាច្រើនប្រាកដជាបានស្គាល់​ បងប្អូនរួចមកហើយ ដែលនាពេលកន្លងមក បងស្រីអូន ក៏ធ្លាប់បានធ្វើការបង្ហោះវិដេអូ ពីជីវភាពរបស់បងប្រុស​ដ៏គួរឲ្យអាណិតម្នាក់នេះដែរ ។ ជីវិតរបស់គាត់ពិតជាបានតស៊ូ និងឆ្លងកាត់ រឿងរ៉ាវជាច្រើន ហើយអ្វីដែលគាត់បាត់បង់ធំជាងគេនោះ គឺដៃទាំងពីររបស់គាត់ ដែលដៃរបស់គាត់បានបាត់បង់ដោយសារតែ​ ខ្សែភ្លេីងឆក់កាលពី17ឆ្នាំមុន​ ហើយបងប្រុសក៏ជាមនុស្ស គ ថ្លង ផងដែរ។

ទន្ទឹមនឹងការអាណិតចំពោះបងប្រុសនោះ នៅក្នុងគណនីហ្វេសប៊ុកមួយដែលមានឈ្មោះថា Da Vann Btv បានទៅជួបនឹងបងប្រុស​ ទើបបានដឹងថា កូនគាត់ពីនាក់ ពេលនេះកំពុងតែមានជំងឺគ្រុនឈាម ហើយគាត់គ្មានប្រាក់សំរាប់ព្យាបាលកូននោះទេ។

ម្ចាស់គណនីហ្វេសប៊ុកបានរៀបរាប់ថា "បងប្រុស​ ប៊ន​ ជាជនពិការដៃទាំងពីរ​ គរ​ ហេីយថ្លង់​ ដោយសារតែខ្សែភ្លេីងឆក់កាលពី17ឆ្នាំមុន​ បច្ចុប្បន្នបងប្រុស​ ធ្វេីការជាអ្នកអាយ៉ែឡាន​ នៅអាហារដ្ឋានមួយ​នៅក្បែររង្វង់មូលធុរេន​ខេត្តកំពត​ គាត់មានកូនបីនាក់​ ម្នាក់​ញៀនថ្នាំ​ ធ្វេីបាបគាត់​ ជូនវាយគាត់យកលុយ​ រីឯពីរនាក់ទៀត​ កំពុងមានជំងឺគ្រុនឈាម​ ស្ថានភាពគាត់គួរអោយអាណិត​ បេីសិនជាបងប្អូន​ សប្បុរសជនចង់ជួយគាត់​ អាចទាក់ទងមកនាងខ្ញុំបាន​????????"។

ប្រភព៖ Da Vann Btv