រតនគិរី ៖ កម្លាំងអធិការនគរបាលក្រុងបានលុង បានឃាត់ខ្លួនជនសង្ស័យម្នាក់ កាលពីវេលាម៉ោង១០និង១០នាទី ថ្ងៃទី២០ ខែកក្កដា ឆ្នាំ២០១៩ ពាក់ព័ន្ធករណីប្រើអំពើហិង្សាដោយចេតនាទៅលើកុមារ(ប្រើនិងវត្ថុរឹង)។ សមត្ថកិច្ចនគរបាល បានឲ្យដឹងថា ជនសង្ស័យមានឈ្មោះខាត់ សារី ភេទប្រុស អាយុ៣៦ឆ្នាំ ជនជាតិខ្មែរ មានទីលំនៅភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី មុខរបរជាងត្បូង(ត្រូវជាឪពុកបង្កើត)។
សមត្ថកិច្ចបានបញ្ជាក់ទៀតថាតថា កាលពីវេលាម៉ោង២១និង០០នាទី ថ្ងៃទី១៩ ខែកក្កដា ឆ្នាំ២០១៩ កន្លងទៅនេះ នៅត្រង់ចំណុចផ្ទះជួលមួយកន្លែង ស្ថិតក្នុងភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី ជនសង្ស័យខាងលើ បានធ្វើទារុកម្មលើកូនប្រុសរបស់ខ្លួន ឈ្មោះ ឃឹម លាភ ភេទប្រុស អាយុ៥ឆ្នាំ ជនជាតិខ្មែរ មានទីលំនៅភូមិ/ឃុំកើតហេតុខាងលើ បណ្ដាលឲ្យរបួសធ្ងន់។
ក្រោយបង្កហិង្សា ជនសង្ស័យ ត្រូវបានឃាត់ខ្លួន នៅអធិការដ្ឋាននគរបាល ក្រុងបានលុង ដើម្បីចុះស្រាវជ្រាវនិងស៊ើបអង្កេតបន្ត ហើយបំពេញសំណុំរឿងបញ្ជូនទៅសាលាដំបងខេត្តដើម្បីចាត់ការទៅតាមនីតិវិធីច្បាប់។សូមបញ្ជាក់ថា ជនសង្ស័យខាងលើនេះ មានប្រពន្ធចុងម្នាក់ សមត្ថកិច្ចមិនបានបញ្ជាក់ពីអត្តសញ្ញាណនោះទេ ខណៈដែលជនសង្ស័យ បានវាយទៅលើកុមារារូបនោះ បណ្ដាលឲ្យជាំភ្នែកខាងស្តាំមួយចំហៀង មិនដឹងពីមូលហេតុឲ្យបានច្បាស់លាស់នៅឡើយទេ។ សូមទស្សនាវីដេអូខាងក្រោម៖
ប្រភព៖ កូន ខ្លាតូច
