បងប្អូនគិតយ៉ាងណាដែរ! សឹងតែមួយប្រទេស ចង់ឲ្យកម្មវិធី Heaven Or Hell Cambodia បកស្រាយ សំនួរភូមិសាស្ត្រខ្មែរដែល សួរទៅ លោក កៅ សីហា ថាកម្ពុជាចែកផ្លូវគោកជាប៉ុន្មានប្រភេទ...

ភ្នំពេញ៖ កាលពីពេលថ្មីៗនេះ មហាជនក្នុងបណ្ដាញសង្គម ហ្វេសប៊ុក បាននាំគ្នាចែករំលែកវីដេអូ របស់កម្មវិធីទូរទស្សន៍ រស្មីហង្សមាស HD TV ក្នុងកម្មវិធី Heaven or Hall Cambodia ដោយមានការអញ្ចើញចូលរួមពីសំណាក់ លោក កៅ សីហា ដែលរូបលោកបានឆ្លើយដល់សំនួរទី៥ ក្នុងការទទួលប្រាក់រង្វាន់ចំនួន ១០០០ដុល្លារ។

ក្នុងនោះដែរ មហាជនបានកំពុងតែរិះគន់យ៉ាងខ្លាំងទៅលើកម្មវិធី ល្បងប្រាជ្ញា Heaven or Hell Cambodia ក្រោយបានដាក់សំណួរទៅបេក្ខជនគឺលោក កៅ សីហា រហូតដល់សំណួរទី៥ ដែលជាសំណួរមានរង្វាន់១០០០ដុល្លារ ដោយសំណួរនោះបានសួរថា «យោងតាមសៀវភៅវិញ្ញាសារជ្រើសរើសសម្រាប់ថ្នាក់ទី៩ តើនៅប្រទេសកម្ពុជា គេចែកផ្លូវគោកជាប៉ុន្មានប្រភេទ?» ។

ក្នុងនោះ កម្មវិធីបានផ្តល់ចម្លើយឲ្យរើសមានដូចជា ២ប្រភេទ, ៣ប្រភេទ, ៤ប្រភេទ និង ៥ប្រភេទ។

ដោយឡែកពេលនេះ លោក កៅ សីហា ដែលជាបេក្ខជន បានជ្រើសយកចម្លើយ ២ប្រភេទ គឺផ្លូវថ្នល់ និងផ្នូវដែក ប៉ុន្តែចម្លើយរបស់កម្មវិធីបានផ្តល់មកថាមាន ៣ប្រភេទ គឺ ផ្លូវជាតិ , ផ្លូវខេត្ត និង ផ្លូវរុក្ខបាល។

ក្រោយមានការផ្តល់ចម្លើយបែបនេះ មហាជននៅលើបណ្តាញសង្គមជាច្រើនបានធ្វើការរិះគន់យ៉ាងចាស់ដៃតែម្តង មិនសំចៃមាត់ ដោយលើកឡើងថា ការបកស្រាយចម្លើយរបស់ពិធីការិនីគឺមិនត្រឹមត្រូវ ពោលគឺកម្ពុជាចែកផ្លូវគោកមានតែ២ប្រភេទប៉ុណ្ណោះ មិនមែនមាន៣ប្រភេទនោះទេ ដោយមានទាំងការ លើកភស្តុតាង ចេញពីសៀវភៅ ភូមិវិទ្យាថ្នាក់ទី៩ និងភូមិវិទ្យាថ្នាក់ទី១២ផងដែរ សុទ្ធតែបញ្ជាក់ថាមាន២ប្រភេទ ចំណែកផ្លូវរុក្ខបាល គឺស្ថិតនៅក្នុងផ្លូវថ្នល់ ៕

សូមទស្សនាវីដេអូខាងក្រោម៖