បើយោងតាមផេក "អធិការដ្ឋាននគរបាលក្រុងសៀមរាប" បានបង្ហោះសារថា "សូមប្រុងប្រយ័ត្ន និងថ្លឹងថ្លែងអោយបានច្បាស់ មុននឹងឲ្យ គណនីធនាគារ ឬកាត ATM របស់អ្នក ទៅអ្នកដទៃខ្ចី ព្រោះថា គណនីធនាគាររបស់អ្នក អាច នឹងត្រូវគេប្រើប្រាស់ដើម្បីទទួលលុយវេរមកពីបរទេស ដែលលុយទាំងនោះ ជានិច្ចកាល គឺជាលុយបាន មកពីបទល្មើស ណាមួយ ដូចជាឆបោក ឬ ជំរិតប្រាក់ ។ល។ នេះបើយោងតាមការណែនាំ របស់ នាយកដ្ឋានកណ្ដាលសន្តិសុខ នៃក្រសួងមហាផ្ទៃ ។
ក្រុមជនល្មើស តែងតែវេរលុយចូលក្នុងគណនីអ្នក ហើយឲ្យអ្នកទៅដកលុយពីធនាគារ ឬអ្នកផ្សេងប្រើកាត ATM របស់អ្នកទៅដកលុយនោះភ្លាមៗ ក្រោយលុយវេរចូល ជាថ្នូរសម្រាប់សកម្មភាពទាំងនេះ ក្រុមជនល្មើសតែង ឲ្យលុយកុំមីស្យុងមួយចំនួន ដល់ម្ចាស់គណនី ផងដែរ។
សកម្មភាពខាងលើនេះ អ្នកនឹងក្លាយ ទៅជាអ្នកចូលរួមប្រព្រឹត្តបទល្មើសឆបោក ឬជំរិតប្រាក់ ឬ ប្រព្រឹត្តបទល្មើស សម្អាតសាច់ប្រាក់ ដោយមិនដឹងខ្លួន ហើយអាចធ្វើអោយអ្នក ប្រឈមមុខនឹងការជាប់ពន្ធនាគារផងដែរ ៕
ប្រភព៖ អធិការដ្ឋាននគរបាលក្រុងសៀមរាប
