នាពេលបច្ចុប្បន្នមានបងប្អូនជាច្រើនបានចូលរួម នៅក្នុងសង្គមមនុស្សធម៏ និងបានចែករំលែក មិនថាសំភារៈ ឬ ក្តីស្រលាញ់ ដល់មនុស្សដែលពួកគាត់កំពុងតែត្រូវការជួយពីយើង និងដើម្បីរួចផុតពីជីវិត មួយដែលគេហៅថាវេទនានោះ។ ការចែករំលែកក្តីស្រលាញ់ ដោយការផ្តល់ជាសំភារៈតិចតួចទៅតាមអ្វីដែលយើងមាន ធ្វើឲ្យយើងសប្បាយចិត្ត ធ្វើឲ្យយើងមានអារម្មណ៍ថាស្ងប់ មានក្តីសុខ ។ ការធ្វើល្អទាំងអស់នេះ បានធ្វើមហាជន គ្រប់មជ្ឈដ្ឋាន មានការសប្បាយចិត្ត និងគាំទ្រចំពោះទង្វើរល្អ។
ដើម្បីចូលរួមចំណែកពីនិងចែករំលែកក្តីស្រលាញ់មួយនេះ នៅក្នុងគណនីហ្វេសប៊ុកមួយដែលមានឈ្មោះថា" យុវជនដើម្បីការងារសង្គម" បានបង្ហោះសារថា " ខ្ញុំអាចស្នេីសុំបងៗទាំងអស់គ្នាអាចចូលរួមជួយនូវ ទេយ្យទាន បច្ច័យ ឬគ្រឿងបរិភោកជាអាហារគ្រៀមសម្រាប់ជួយផ្គត់ផ្គង់ដ៏វត្តកំសត់មួយនេះបានទេ..ខ្ញុំចុះទៅជួយនៅថ្ងៃសៅរ៌នេះបងៗមានដូចជាអង្ករក៏បាន ដែលរាល់ថ្ងៃពុំសូវមានពុទ្ធបរិស័ទបានទៅដល់ សូម្បីតែពុទ្ធបដិមាក៏រកកន្លែងជ្រកមិនបានផង ពិតជាគួរឱ្យអាណិតណាស់ ជាវត្តប៉ុន្តែមានតែ ព្រះសង្ឃតែមួយអង្គគង់នៅ រកតែទឹកភ្លើងប្រើមិនចង់បាន សព្វថ្ងៃប្រើភ្លើងម៉ាស៊ីន និងទឹកអណ្ដូង ព្រះវិហារមានតែគ្រឹះសសរ ជាវត្តដែល ជួបការលំបាក ខ្លាំង នៅខេត្តឧត្តរមានជ័យ ពិតជាត្រូវការជំនួយពីពុទ្ធបរិស័ទនិងសប្បុរសជនធម៌ ជួយទ្រទ្រង់នូវវិស័យព្រះពុទ្ធសាសនា បើឃើញក្នុងរូបភាពបែបនេះ ពិតជាគួរអោយអាណិតមែនទែន តើមានបងប្អូនណាចូលរួមជាបច្ច័យ សម្រាប់កសាង ព្រះវិហារ វត្ត ឬកុដិលោក ឲ្យបានល្អប្រសើរ សម្រាប់ពុទ្ធបរិស័ទចំណុះជើងវត្តក្ដី ពុទ្ធបរិស័ទមកពីចំងាយដី ជាម្លប់ សម្រាប់ជ្រក ជាកន្លែង វត្តនេះស្ថិតនៅក្នុងភូមិខ្នងទួល ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ លេខចូលរួមជួយ 070660088"។
ប្រភព៖ យុវជនដើម្បីការងារសង្គម
