ភ្នំពេញ៖ កម្មវិធី​លំដាប់​ពិភពលោក X-Factor Cambodia សប្តាហ៍​ទី ៥ នេះ បាន​ឈាន​ចូលដល់​វគ្គ​ពិសេស​មួយទៀត​ហើយ មានឈ្មោះ​ថា BOOTCAMP ដែល​តម្រូវឱ្យ​បេក្ខជន​ច្រៀង​ជា​ក្រុម​ពី ៣ នាក់​ទៅ ៤ នាក់ និង ចាប់យក​បទ​ចម្រៀង​មក​ធ្វើការ​ប្រកួតប្រជែង ក្រោម​ការជ្រើសរើស​ពី​គណៈកម្មការ​ទាំង​បួន ។​​ ដោយឡែកកាលពីពេលថ្មីៗនេះមាន​មតិ​រិះគន់ដល់​បេក្ខនារី​ទាំង​ ៣រូប​ ដែលមេីលទៅ​ហាក់​ជា​មានការ​រេីសអេីងដល់​បេក្ខនារី​ ចាន់​ឡា​ ដែលជា​ក្រុម​របស់ខ្លួន​ខណៈដែល​ពេល​បញ្ចេញ​សមត្ថភាព​ ហាក់​មាន​គម្លាត​ឆ្ងាយពីគ្នា​ និងពេល​ប្រកាស​លទ្ធផល​ ហាក់​មិន​បានអេីពេីដល់​មិត្ត​រួម​ក្រុម​របស់​ខ្លួន​ដែលកំពុងតែ​ប្រឈមនឹង​លទ្ធផល​មិនប្រសេីរនោះ។

ចូលមកដល់សប្តាហ៍ទី១ នៃវគ្គ BootCamp ក្នុងកម្មវិធី X Factor Cambodia នេះ បេក្ខជន បេក្ខនារីនីមួយៗតម្រូវឲ្យចាប់ឆ្នោតយកបទចម្រៀងច្រៀងរួមគ្នា អ្នកចាប់បានបទប្រុសត្រូវច្រៀងបទប្រុស អ្នកចាប់បានបទស្រីត្រូវច្រៀងបទស្រី តែបេក្ខជននីមួយៗអាចមានសិទ្ធសុំអ្នកដទៃដូរប្រសិនជាគេយល់ព្រម។ បេក្ខនារីចំនួន៤រូបបានមកប៉ះក្រុមជាមួយគ្នាក្នុងបទ “ឈប់” ដោយមានដូចជា ស្រីយ៉ា ចាន់ឡា ស្រីនិត ទេវី។

ក្រោយពីច្រៀងចប់ អ្នកទាំងបួនក៏ទទួលបានការទះដៃពីសំណាក់ទស្សនិជន និងគណកម្មការ ហើយក៏ឆ្លងផុតទៅវគ្គបន្តទាំងអស់គ្នា។ ទន្ទឹមនឹងនេះដែរ ក៏ផ្ទុះការរិះគន់ បេក្ខនារីចំនួន៣នាក់ និងពិធីករ​​ និមល ហាក់បីដូចជាស្អប់ខ្ពើម ចាន់​ឡា​ ដែលមុខមាត់មិនស្អាត  ហើយហាក់បីដូចជារើសអើងដល់សមាជិកក្រុម។

គួរបញ្ជាក់ផងដែរថា ចាន់ឡា ក្មេងកំព្រាឪពុក រស់នៅជាមួយម្តាយខិតខំតស៊ូធ្វើការរកស៊ីចិញ្ចឹមម្តាយ ថែមទាំងជាបេក្ខនារីរឹងមាំដែលពោរពេញទៅដោយស្នាមញញឹម។ ព្រោះតែបេក្ខនារី៣នាក់ទៀតសុទ្ធសឹងតែជាស្រីស្អាតហាក់ធ្វើឲ្យ ចាន់ឡា រាងមានសម្ពាធជាខ្លាំង ដោយយើងតែងឃើញរូបនាង រក្សាគម្លាតស្ថិតនៅរាងឆ្ងាយពីអ្នកទាំង៣។ ពេលដែលគណៈកម្មការប្រកាសថា ស្រីយ៉ា ស្រីនិត និង ទេវី ជាប់ ចាន់ឡាហាក់មើលទៅអស់សង្ឃឹមជាខ្លាំង។ ដែលនេះជាចំណុចដែលធ្វើឲ្យមានការរិះគន់កើតឡើង ព្រោះតែនារីទាំង៣ដែលជាប់បែរជាដើរចេញដោយគ្មានខ្វល់ ឬលើកទឹកចិត្តមិត្តរួមក្រុមអ្វីបន្តិចសោះឡើយ។

សូមទស្សនាវីដេអូខាងក្រោម៖