ភ្នំពេញ៖ កម្មវិធី​លំដាប់​ពិភពលោក X-Factor Cambodia សប្តាហ៍​ទី ៥ នេះ បាន​ឈាន​ចូលដល់​វគ្គ​ពិសេស​មួយទៀត​ហើយ មានឈ្មោះ​ថា BOOTCAMP ដែល​តម្រូវឱ្យ​បេក្ខជន​ច្រៀង​ជា​ក្រុម​ពី ៣ នាក់​ទៅ ៤ នាក់ និង ចាប់យក​បទ​ចម្រៀង​មក​ធ្វើការ​ប្រកួតប្រជែង ក្រោម​ការជ្រើសរើស​ពី​គណៈកម្មការ​ទាំង​បួន ។​​ ដោយឡែកកាលពីពេលថ្មីៗនេះមាន​មតិ​រិះគន់ដល់​បេក្ខនារី​ទាំង​ ៣រូប​ ដែលមេីលទៅ​ហាក់​ជា​មានការ​រេីសអេីងដល់​បេក្ខនារី​ ចាន់​ឡា​ ដែលជា​ក្រុម​របស់ខ្លួន​ខណៈដែល​ពេល​បញ្ចេញ​សមត្ថភាព​ ហាក់​មាន​គម្លាត​ឆ្ងាយពីគ្នា​ និងពេល​ប្រកាស​លទ្ធផល​ ហាក់​មិន​បានអេីពេីដល់​មិត្ត​រួម​ក្រុម​របស់​ខ្លួន​ដែលកំពុងតែ​ប្រឈមនឹង​លទ្ធផល​មិនប្រសេីរនោះ។

ចូលមកដល់សប្តាហ៍ទី១ នៃវគ្គ BootCamp ក្នុងកម្មវិធី X Factor Cambodia នេះ បេក្ខជន បេក្ខនារីនីមួយៗតម្រូវឲ្យចាប់ឆ្នោតយកបទចម្រៀងច្រៀងរួមគ្នា អ្នកចាប់បានបទប្រុសត្រូវច្រៀងបទប្រុស អ្នកចាប់បានបទស្រីត្រូវច្រៀងបទស្រី តែបេក្ខជននីមួយៗអាចមានសិទ្ធសុំអ្នកដទៃដូរប្រសិនជាគេយល់ព្រម។ បេក្ខនារីចំនួន៤រូបបានមកប៉ះក្រុមជាមួយគ្នាក្នុងបទ “ឈប់” ដោយមានដូចជា ស្រីយ៉ា ចាន់ឡា ស្រីនិត ទេវី។

ដោយឡែកមុននេះបន្តិច ក្លីនិចឯកជនកែសម្ជស្សមួយ បានផ្តល់សេវាខាងថែរក្សាសម្ជស្សដល់បេក្ខនារីចាន់ឡា ដោយធ្វើការម៉ាស្សាមុខ ចាក់ច្រមុះ ចាក់ចង្កា ផ្លុំចិញ្ចើម ដើម្បីបន្ថែមភាពស្រស់ស្អាត ដោយមិនគិតថ្លៃនោះទេ។

យ៉ាងណាមិញ អ្នកនាង​​ ម៉ៅ សុីណាត ក៏បានបញ្ចេញមតិស្តីពី កម្មវិធី X Factor Cambodia ចំពោះបេក្ខនារីចាន់ឡាថា "21 ឆ្នាំក្នុងអាជីបសិល្បះ ខ្ញុំសូមចេញយោបល់តិច ហត់នឹងសង្គមតែស្ករ អត់យល់ មើលមិចថាគេរើសអើងគាត់ បើអ្នកស្ថិតក្នុងស្ថានភាពនោះ ហើយពេលគេតម្រូវអោយមនុស្ស៣នាក់ ដោយមានអ្នកក្នុងចំណោម៣នាក់នោះ ឈានមកមុខមួយជំហាន រួចគេប្រកាសថាបានជាប់ តើអ្នកស្ទុះទៅអោបគ្នាដែលជាប់ដូចគ្នា ឬ ប្រកាសហើយរត់ទៅអោបអ្នកមិនទាន់ដឹងពីលទ្ធផល។ មើលយ៉ាងមិចថាគណកម្មការរើសអើង មើលមិចថាគេមើលងាយគាត់ បើគេរើសអើង គេអោយគាត់ដល់ជាប់ដល់វគ្គនឹងទេ បើគាត់ស្លៀកចេញមកមិនសមអ្នកសិល្បៈបែបនឹង អត់យល់សង្គមតែស្ករ

សួរមួយម៉ាត់ តើកម្មវិធីនឹង គេប្រលងចម្រៀងយកសំលេង យកទេពកោសល្យ ឬ យកក្ដីអាណិត ឆ្លើយផងអ្នកតែស្ករ"៕