ភ្នំពេញ៖ កម្មវិធីលំដាប់ពិភពលោក X-Factor Cambodia សប្តាហ៍ទី ៥ នេះ បានឈានចូលដល់វគ្គពិសេសមួយទៀតហើយ មានឈ្មោះថា BOOTCAMP ដែលតម្រូវឱ្យបេក្ខជនច្រៀងជាក្រុមពី ៣ នាក់ទៅ ៤ នាក់ និង ចាប់យកបទចម្រៀងមកធ្វើការប្រកួតប្រជែង ក្រោមការជ្រើសរើសពីគណៈកម្មការទាំងបួន ។ ដោយឡែកកាលពីពេលថ្មីៗនេះមានមតិរិះគន់ដល់បេក្ខនារីទាំង ៣រូប ដែលមេីលទៅហាក់ជាមានការរេីសអេីងដល់បេក្ខនារី ចាន់ឡា ដែលជាក្រុមរបស់ខ្លួនខណៈដែលពេលបញ្ចេញសមត្ថភាព ហាក់មានគម្លាតឆ្ងាយពីគ្នា និងពេលប្រកាសលទ្ធផល ហាក់មិនបានអេីពេីដល់មិត្តរួមក្រុមរបស់ខ្លួនដែលកំពុងតែប្រឈមនឹងលទ្ធផលមិនប្រសេីរនោះ។
ក្រោយ ពីមានការផ្ទុះកក្រើកពេញបណ្ដាញសង្គមហ្វេសប៊ុក ក្នុងនោះផងដែលបើគិតត្រឹមមកដល់ពេលនេះ មានមហាជនជាច្រើនប្រកាសស្វែងរកប្អូនស្រី ដើម្បីជួយឧបត្ថម ជាឡេលាប ខ្លួន ក៌ដូចជាថវិការ សំលៀកបំបាក់ និងថវិការជាច្រើន ក្នុងនោះមានម្ចាស់ហាងលក់មាស ពេជ្រ ម្ចាស់ហាង កែសម្ភស្ស និងសប្បុរសជនជាច្រើនទៀតផង ដូចជាជួយជាទុរស័ព្ទ និងមានជួយជាការដឹក កង់៣ រាល់ពេលឡើងប្រលងដោយមិនគិតលុយទៀតផង។
បន្ទាប់ពីបានឃើញដូច្នេះហើយស្រាប់តែគណនីហ្វេសប៊ុកដែលមានឈ្មោះថា Sovann Rithy ( សុវណ្ណរិទ្ធិ) បានធ្វើការលើកឡើងនៅលើបណ្តាញសង្គមហ្វេសប៊ុកថា សង្គមហ្វេសប៊ុកយើងមួយចំនួនគឺជួយតាមជោរ ជោរតាមផ្អើល ជោរជួយផ្អើលតែរឿងល្បី? ចំណែកអ្នកក្រដេករនៀលដីជាច្រើននៅហ្នឹងភ្នែក សំពះសុំអោយជួយ ធ្វើមើលមិនឃើញព្រោះមិនល្បីតាមTV ឬ ហ្វេសប៊ុក។ សួរថាមកពីអ្វី…???
