បើយោងតាមគណនីហ្វេសប៊ុកមួយដែលមានឈ្មោះថា នារី ចិត្តធម៍ បានបង្ហោះសារសូមអំពាវនាវដល់ សប្បុរសជន ជួយឧបត្ថម្ភ ជាសំលៀកបំពាក់ សៀវភៅ ខ្មៅដៃ កាតាប ស្បែកជើង សម្រាប់ជួយដល់ប្អូនៗ សិស្សានុសិស្ស នៅសាលាបឋមសិក្សាល្វៃ​ និងសាលាបឋមសិក្សាត្រពាំងថ្ម​ នៅឃុំត្រពាំងឬស្សី​ ស្រុកកំពង់ស្វាយ​ ខេត្តកំពង់ធំ​ ជាសាលាដែលក្រីក្រជាងគេក្នុងស្រុកកំពង់ស្វាយ ដែលមានចំនួនសិស្សចំនួន២០០នាក់ ដែលសុទ្ធតែជាកូនអ្នកក្រ កំពុងត្រូវការជំនួយពីសំណាក់ផងប្អូន។

ម្ចាស់គណនីហ្វេសប៊ុកខាងលើបានរៀបរាប់ថា "នាងខ្ញុំត្រូវការសំភារៈសិក្សា​ សៀវភៅ​ បុិច​ ខ្មៅដៃ កាតាប​ ដេីម្បីចែកជូនសិស្សានុសិស្សចំនួន​ 200នាក់​ នាថ្ងៃបេីកបវេស្សនកាលខាងមុខនេះ​ អាស្រ័យហេតុនេះនាងខ្ញុំសូមអំពាំវនាវសប្បុរសជនទាំងអស់មេត្តាជួយឧបត្ថម្ភដល់ក្មួយៗផង​ ជាថវិកាក៏បាន​ ជាសំភាៈសិក្សាក្តី​ បេីមានសម្លៀកបំពាក់សិក្សាក៏បាន​ ព្រោះនៅសាលានេះសុទ្ធតែជាសិស្សក្រីក្រទាំងអស់។ បេីបងប្អូនចង់ចូលរួមឧបត្ថម្ភអាចទំនាក់ទំនងមកលេខ ☎️012545684 ,ABA : 000635152 Name : Nguon Raksmey"។

ប្រសិនបើបងប្អូនមានចំណាប់អារម្មណ៍បងប្អូនអាចទំនាក់ទំនង​ មកលេខទូរស័ព្ទខាងលើ ជួយដល់ទំពាំងស្នងឬស្សី ដើម្បីឲ្យពួកគាត់មានចំណេះដឹង ក្នុងការឈើងចាប់ក្តីស្រម៉ៃ និងបំណងប្រាថ្នា ដែលចង់បាន ទៅតាមលទ្ធភាព និងទទួលបានសមត្ថភាពរបស់ពួកគាត់ផងដែរ៕

ប្រភព៖ នារីចិត្តធម៏