អ្នកនាង ឱក សុគន្ធកញ្ញា អរគុណដល់កូនប្រុសជាទីស្រលាញ់ម៉ាក់ ដែបានរួមគ្នាបំពេញការងារបានដោយជោគជ័យ ទោះលំបាកបន្តិចមែនតែយើងស៊ូជាមួយគ្នា...

តារាចម្រៀងលំដាប់ជួរមុខអ្នកនាង ឱក សុគន្ធកញ្ញា ដែលជាតារាចម្រៀងដ៏ល្បីឈ្មោះមួយរូប ដែលមានកេរ្តិ៍ឈ្មោះបោះសំលេង មិនថាក្មេងឬមនុស្សចាស់ តែងតែស្គាល់អ្នកនាង តាមរយៈរលកធាតុអាកាស ដោយការស្តាប់ចម្រៀងជាច្រើន របស់អ្នកនាងផងដែរ។ តារាចម្រៀងរូបនេះ មិនដែលធ្វើឲ្យមហាជន ក៏ដូចជាហ្វេនៗមានការខកចិត្ត នោះទេ ព្រោះថាបទចម្រៀងនីមួយៗគឺសុទ្ធតែទាក់ទាញចិត្តមិត្តអ្នកស្តាប់ ឲ្យលង់ទៅតាមបទចម្រៀង។

ដោយឡែកអ្នកនាងកាលពីថ្ងៃម្សិលមិញនេះ ក្រោយពីបានបញ្ចប់កម្មវិធីលំដាប់ពិភពលោក X Factor Cambodia រួចមក អ្នកនាងក៏បានបង្ហោះសារថា"ទីបំផុតខ្ញុំអាចបញ្ចប់បេសកកម្មមួយនេះបានដោយរលូន..! អរគុណចំពោះក្រុមការងាទាំងមូលដែលបានសហការគ្នាយ៉ាងពេញទំហឹង អរគុណខ្លាំងណាស់ចំពោះការគាំទ្ររបស់ពុកម៉ែបងប្អូនទាំងអស់គ្នា???ហើយពិតជាអរគុណដល់កូនប្រុសជាទីស្រលាញ់ដែលរួមគ្នាជាមួយMommy បំពេញការងារបានដោយជោគជ័យ ទោះលំបាកបន្តិចមែនតែយើងស៊ូជាមួយគ្នា.. Love you so much can't wait to see you boy.. ???"។

ទន្ទឹមនឹងនេះក៏មានបងប្អូនជាច្រើនបានសម្តែងការត្រេកអរ ចំពោះការខិតខំបង្វឹករបស់អ្នកនាង ទៅកាន់ ប្អូនប្រុស ចាន់ សុបញ្ញា រហូតដល់គាត់បានទទួលពានរង្វាន់ មួយទៀត ក៏ចូលរួមត្រេកអរ ចំពោះអ្នកនាង ដែលទទួលបានកូនក្រុមក៏ល្អ ហើយមានទេពកោសល្យ អ្វីដែលកាន់តែពិសេសទៅទៀតនោះ គឺត្រេកអរ ព្រោះអ្នកនាង កាន់តែគៀកថ្ងៃសម្រាលកូនហើយដែរ។ សូមឲ្យអ្នកនាង មានសុខភាពទាំងកូន ទាំងម្តាយ៕