អ្នកដឹកនាំរឿងលោក Rith Omega បានបង្ហោះសារជាច្រើន ពាក់ព័ន្ធនឹងម្ចាស់ផលិតកម្ម P production ដោយផលិតកម្មមួយនេះ បានធ្វើឲ្យតំលៃវប្បធម៏ខ្មែរធ្លាក់ចុះ ហើយលោក ក៏បានស្នើរសុំឲ្យម្ចាស់ផលិតកម្មរូបនេះ ចេញមុខមកសុំទោស និងបញ្ឈប់ការផលិតរឿងបែបនេះតទៅទៀត ។

នៅក្នុងគណនីហ្វេសប៊ុករបស់លោក Rith Omega បានបង្ហោះសារការពីថ្ងៃម្សិលមិញថា "សូមគោរពដល់លោកពូ​ អ្នកមីងដែលធ្វេីការនៅខាងក្រសួងវប្បធម៍ជាទីគោរព​ នឹង​បង​ ហេង​ ឡុង​ ដែលជាប្រធានសមាគមន៍សិល្បះកម្ពុជា​ ជួយសួរនាំផង​ អ្នកដែលដឹកនាំសម្តែង​បទ. cover សង្សាក៏ផិតមិត្តក៏ក្បត់នឹង​ គាត់ជាអ្នកណា?

- អ្នកដឹកនាំម្នាក់នឹងតែងតែធ្វេីទង្វេីបែបនេះ​ ផលិតសាច់រឿងដែលមានប្លង់ស្រាបស្រាល​ អាសអាភាសបែបនេះ​ សឹងគ្រប់បទ​ តេីគោលបំណងគាត់ជាអ្វី?

- សាច់រឿងគាត់ផលិតមានតែឈុតលេីគ្រែ​ ឈុតសុីច សុី​ឈុតបឺត មាត់គ្នា​ ហេតុអីគ្មានគំនិតគិតសាច់រឿងផ្សេងពី​ ធេី គ្នានឹង?

- តេី​ P production នឹងមានចុះឈ្មោះក្នុងក្រសួងវប្បធម៍​ នឹងវិចិត្រសិល្បះ​ រត់ច្បាប់ត្រឹមត្រូវទេ? ការផលិតមួយៗមានឆ្លងវប្បធម៍ទេ?

- ហេតុអីដេីរយកបទគេមកថត Cover ដាក់ក្នុងផលិតកម្មខ្លួនឯង?

ដូចជាបទ​ សង្សាក៏ផិតមិត្តក៏ក្បថ​ ខ្ញុំបានឃេីញខាងផលិតកម្ម​ Enation ប្រកាសហេីយថាគេមិនដឹងទេ​ ម៉េចបានខាង​ P production យកបទគេមកថតចឹង?"។

លោកក៏បានបន្តទៀតថា "សាច់រឿង= - អនុស្សាវរីយ៍​ ក៏លេី គ្រែ - បែកគ្នា​ ដោយសារតាមទាន់តួប្រុស​ រឺតួស្រីក៏នៅលេី គ្រែ

- ក្បត់ទាល់តែបឺត មាត់គ្នា​ លូកបានហៅថាក្បត់ កំពូលអ្នកដឹកនាំសម្តែង​ ដែលមានឆន្ទះខ្ពស់​ លេីកស្ទួយវិស័យសិល្បះខ្មែរអោយរីកចំរេីន​ មិនចាញ់ប្រទេសជប៉ុន​។ ខ្ញុំមានមោទនភាពចំពោះគាត់ណាស់​ ដែលគាត់ជាបុគ្គលដែលជួយអោយខ្មែរមានរឿងសុិចប្រចាំប្រទេសរបស់ខ្លួន​ ដោយមិនចំលងបរទេស​ តួខ្មែរ​ ផលិតស្នាដៃកូនខ្មែរសុទ្ធសាធ"។

ពាក់ព័ន្ធនឹងបញ្ហានេះ ក៏មានបងប្អូនជាច្រើនបានបង្ហាញអារម្មណ៍មិនពេញចិត្តជាខ្លាំង ក្រោយពីបានឃើញវិដេអូឃ្លីបនេះ ៕

ប្រភព៖ Rith Omega