នៅថ្ងៃទី ១៤ ខែ វិច្ឆិកា ២០១៩ ក្នុងពេលដែល សម្តេចតេជោ ហ៊ុន សែន អញ្ជើញមកសម្ពោធរោងចក្រផលិតស៊ីម៉ង់តិ៍ក្រុមហ៊ុន ថៃ ប៊ុនរ៉ុង នៅខេត្តកំពត សម្តេចបានលើកឡើងពីផែនការផ្សេងៗរបស់រដ្ឋាភិបាលក្នុងការសាងសង់ផ្លូវ ជាពិសេសនៅខេត្តព្រះសីហនុ ដែលកំពង់រងការខូចខាត។
នេះបើយោងទៅតាមប្រសាសន៍របស់ប្រមុខរដ្ឋាភិបាលប្រទេសកម្ពុជា គឺសម្តេចអគ្គមហាសេនាបតីតេជោ ហ៊ុន សែន លោកបានមានប្រសាសន៍ឲ្យដឹងថា ៖ យើងត្រូវធ្វើផ្លូវដែលទ្រាំទ្រនូវទម្ងន់រថយន្តដែលផលិតស្រុកគេបាន។ នេះជាការអះអាងរបស់សម្តេចតេជោ ហ៊ុន សែន ។
ក្នុងនោះដែរសម្តេចក៏បានលើកឡើងបន្ថែមថា ករណីខូចផ្លូវកន្លងមកនៅខេត្តព្រះសីហនុ គឺដោយសារតែការអនុញ្ញាតឲ្យរថយន្តធុនធំ និងកុងតឺន័រ ចូលទៅតំបន់ផែទឹកជ្រៅ ក៏ដូចជាដឹកសម្ភារសំណង់ផ្សេងៗ ដើម្បីសាងសង់អគារចន្លោះពី៥ ទៅប្រមាណ៦០ជាន់។សម្តេចបានបន្តឲ្យដឹងទៀតថា ការដាក់ជញ្ជីងថ្លឹង ជួនកាល សូកលុយតែបន្តិច ទៅប្រ៉ុច។ នេះជាការកត់សម្គាល់របស់សម្តេច ហ៊ុន សែន ដែលនេះជាមូលហេតុនាំឲ្យផ្លូវខូចកាន់តែធ្ងន់ធ្ងរ៕