លោកអធិការខណ្ឌចំការមន ដឹកនាំកម្លាំងឃាត់ខ្លួនបុរសជនជាតិចិនពីរនាក់ភ្លាមៗ ក្រោយមានករណីនារីជនជាតិចិនម្នាក់ ធ្លាក់ពីលើអគារខ្ពស់ ផ្កាប់មុខស្លាប់បាត់បង់ជីវិតភ្លាមៗនៅនឹងកន្លែង។
រាជធានីភ្នំពេញ ៖ មានហេតុការណ៍ដ៏ភ្ញាក់ផ្អើលមួយបានកើតឡើង នៅចំណុចអគារខ្ពស់មួយកន្លែង ក្បែរស្ពានហង្សកោះពេជ្រ ដែលស្ថិតនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយមានករណីនារីជនជាតិចិនម្នាក់ បានធ្លាក់ពីលើអគារខ្ពស់ ផ្កាប់មុខនៅមុខអាគារស្លាប់បាត់បង់ជីវិតយ៉ាងរន្ធត់ បង្កការភ្ញាក់ផ្អើលទាំងកណ្តាលយប់ នាវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី ១៤ ខែវិច្ឆិកាឆ្នាំ ២០១៩ ។
ភ្លាមៗនោះ គេបានឃើញ វត្តមានរបស់លោកអធិការនគរបាលខណ្ឌចំការមន ដឹកនាំកម្លាំងសមត្ថកិច្ចធ្វើការឃាត់ខ្លួនបុរសជនជាតិចិនពីរនាក់ភ្លាមៗ ដោយយើងមិនទាន់ដឹងថា ជនជាតិចិននោះ ពាក់ព័ន្ធជាមួយនឹងករណីអ្វីនៅឡើយនោះទេ ដោយបញ្ជូនជនជាតិចិនទាំង ២នាក់ខាងលើ ទៅប៉ុស្តិ៍នគរបាលរដ្ឋបាលទន្លេបាសាក់ ដើម្បីធ្វើការសាកសួរភ្លាមៗតែម្ដង ។
ទោះយ៉ាងណាមិញ ករណីនារីជនជាតិចិន ធ្លាក់ពីលេីអាគារខាងលេី អាជ្ញាធរមូលដ្ឋាន នឹងសមត្ថកិច្ចជំនាញ មិនទាន់សន្និដ្ឋានថា ជាករណីឃាតកម្ម ឬក៏ជាករណីអត្តឃាតនោះទេដោយបច្ចុប្បន្ន ជំនាញពាក់ព័ន្ធ កំពុងពិនិត្យជុំវិលកន្លែងកេីតហេតុ រកមូលហេតុផងដែរ ៕ចំពោះព័ត៍មានលម្អិតយេីងខ្ញុំនឹងជម្រាបជូនបន្ថែមទៀតនៅពេលក្រោយ ៕ ប្រភព ៖ TVFB