បងប្រុសរត់ម៉ូតូកង់បីម្នាក់ ព្រោះតែក្រពេកគ្មានលុយ១លានរៀលសងគេ សុំឲ្យលោកផែង វណ្ណៈ ជួយដោយសារតែគាត់បានទៅកាប់មែកស្វាយអ្នកជិតខាង៣មែក ហើយតុលាការកាត់ទោសដាក់គុក ៦ ខែ និង ពិន័យជាទឹកប្រាក់ ១ លានរៀល...

នៅមុននេះបន្តិចនៅលើបណ្តាញសង្គមហ្វេសប៊ុករបស់លោក ផែង វណ្ណៈ បានបង្ហោះសារថា" កាប់មែកស្វាយអ្នកជិតខាង៣ មែក តុលាការកាត់ទោសដាក់គុក ៦ ខែ និង ពិន័យជាទឹកប្រាក់ ១ លានរៀល

ក្រពេកគ្មានលុយ ១ លានរៀលសងគេ សុំអោយ ផែង វណ្ណៈ ជួយ

សៀមរាប ៖ កាលពីឆ្នាំ ២០១៧ ប្អូនប្រុសរត់រ៉ឺម៉កម្នាក់ឈ្មោះ ផាន សុផាត រស់នៅភូមិ មណ្ឌល ៣ សង្កាត់ស្លរក្រាម ក្រុងសៀមរាប ខេត្ត សៀមរាប ដែលមានជីវភាពក្រីក្រ បានកាប់មែកស្វាយពីរបីមែករបស់អ្នកជិតខាងដែលលយចូលមកក្នុងបរិវេណផ្ទះរបស់ខ្លួនបង្ករការលំបាកពេលចេញចូលផ្ទះ។

បន្ទាប់មកម្ចាស់ដេីមស្វាយប្ដឹងទៅ តុលាការខេត្តសៀមរាប ។ តុលាការខេត្តសៀមរាប បានចោទប្រកាន់ពីបទ ធ្វើឲ្យខូចខាតដោយចេតនា រួចកាត់ទោសដាក់ ប្អូនប្រុស ដាក់ពន្ធនាគារ ៦ ខែ តែត្រូវព្យួរ និង ពិន័យជាប្រាក់ ១ លានរៀល ។

ដោយស្ថានភាពគ្រួសារមានជីវភាពក្រីក្រ មិនអាចរកលុយ ១ លានរៀល សងគេតាមអំណាចសាលក្រមតុលាការបាន ប្អូនប្រុស ផាន សុផាត បានស្នេីសុំអោយខ្ញុំជួយ ។ ដោយមេីលឃេីញការលំបាកបែបនេះ និង ដេីម្បីជួយសម្រួលការលំបាករបស់ប្អូនប្រុសនិងគ្រួសារខ្ញុំបានជួយឧបត្ថម្ភទឹកប្រាក់ ១ លានរៀល ដេីម្បីយកទៅបង់ជូនតុលាការតាមអំណាចសាលក្រម ៕