(ភ្នំពេញ)៖ប្រសិនបើគ្មានអ្វីប្រែប្រួលទេ លោកគួច ចំរើន នឹងត្រូវចូលកាន់តំណែងជាអភិបាលនៃគណៈអភិបាលខេត្តកំពង់ចាមជាផ្លូវការ នៅព្រឹកថ្ងៃទី២៧ខែមិថុនាឆ្នាំ២០១៧នេះ ជំនួសលោកលន់ លឹមថៃ ដែលត្រូវចាកចេញតាមព្រះរាជក្រឹត្យចុះថ្ងៃទី១៦ខែមិថុនាឆ្នាំ២០១៧ ដោយត្រាស់បង្គាប់អោយទៅធ្វើជាទីប្រឹក្សារាជរដ្ឋាភិបាលមានឋានៈស្មើរដ្ឋមន្ត្រីនោះហើយ។
លោកគួច ចំរើន មានឋានន្តរស័ក្តិឧត្តមមន្ត្រីថ្នាក់លេខ៥ ដែលមុននេះមានមុខតំណែងជាមន្ត្រីកងទព័ ជាអភិបាលរងខណ្ឌចំការមន ជាអភិបាលខណ្ឌមានជយ័ ជាអភិបាលខណ្ឌដូនពេញ និងជាអគ្គនាយករងរដ្ឋបាលរងរដ្ឋបាលក្រសួងមហាផ្ទៃនោះត្រូវបានព្រះរាជក្រឹត្យចុះថ្ងៃទី១៦ខែមិថុនាឆ្នាំ២០១៧ ត្រាស់បង្គាប់អោយធ្វើជាអភិបាលនៃគណៈអភិបាលខេត្តកំពង់ចាម។
លោកគួច ចំរើន( Kuoch Chamroeun )កើតនៅថ្ងៃទី៤ ខែវិច្ឆិកា ឆ្នាំ១៩៧២ សញ្ជាតិខ្មែរ នៅភូមិតាពរ័លើ ឃុំពង្រក្រោម ស្រុកជីក្រែង ខេត្តសៀមរាប ។ បច្ចុប្បន្នមានអាសយ័ដ្ឋានអចិន្ត្រៃយ៍នៅរាជធានីភ្នំពេញ។
ក្រោយថ្ងៃរំដោះថ្ងៃ៧មករាឆ្នាំ១៩៧៩ លោកគួច ចំរើន ដែលស្ថិតនៅក្នុងវយ័កុមារនៅឡើយបានចូលរៀនថ្នាក់ដំបូងក្រោមផ្ទះមួយនៅក្នុងភូមិត្រាចថ្មី ឃុំកំពង់ក្តី ស្រុកជីក្រែង ខេត្តសៀមរាប ចូលដល់ថ្នាក់ទី២ បានទៅរៀននៅសាលាគំរូកំពង់ក្តីបន្ទាប់មកបានបន្តការសិក្សារហូតដល់ចប់ចំណេះដឹងទូទៅនៅសាលា១០មករាសៀមរាបនៅថ្ងៃទី១៨ខែមិថុនាឆ្នាំ១៩៨៩។
នៅឆ្នាំ១៩៩០ លោក បានចូលរៀននៅមហាវិទ្យាលយ័បច្ចេកទេសកងទព័ ប្រទេសវៀតណាម ក្រោយមកនៅថ្ងៃ២៨ខែមីនាឆ្នាំ១៩៩៣ បានសិក្សាបន្តនៅមហាវិទ្យាលយ័និតិសាស្ត្រ និងវិទ្យាសាស្ត្រសេដ្ឋកិច្ច ដែលបញ្ចប់នៅថ្ងៃទី២២ខែកក្កដាឆ្នាំ១៩៩៧ ដោយទទួលបានបរិញ្ញាប័ត្រវិទ្យាសាស្ត្រសេដ្ឋកិច្ច ។ នៅថ្ងៃទី០១ខែតុលាឆ្នាំ២០០៤ បានចូលសិក្សានៅសាកលវិទ្យាលយ័និតិសាស្ត្រនិងវិទ្យាសាស្ត្រសេដ្ឋកិច្ចទទួលបានបរិញ្ញាបត្រ័ជាន់ខ្ពស់រដ្ឋបាលសាធារណៈនៅថ្ងៃទី០១ខែសីហាឆ្នាំ២០០៧។
លោកគួច ចំរើន អាចប្រើប្រាស់បាននូវភាសាអង់គ្លេសនិងវៀតណាម។ ក្រៅពីការសិក្សានៅតាមមហាវិទ្យាលយ័ និងសាកលវិទ្យាលយ័ លោកក៏បានទទួលការបណ្តុះបណ្តាលនិងវគ្គសិក្សាខ្លីៗ កម្រិតវិញ្ញាបនប័ត្រ ពីអង្គការJICAលើការគ្រប់គ្រងរដ្ឋបាលមូលដ្ឋាននៅប្រទេសជប៉ុន ឆ្នាំ២០០០ ពីក្រសួងរៀបចំដែនដីនគរូបនីយកម្ម និងសំណង់លើផ្នែកច្បាប់ភូមិបាល ,ពីវិទ្យាស្ថានខ្មែរសម្រាប់សហប្រតិបត្តិការនិងសន្តិភាពលើផ្នែកហ្វឹកហ្វឺនទំនាក់ទំនងអន្តរជាតិ ពីវិទ្យាស្ថានកម្ពុជាដើម្បីសិទ្ធិមនុស្សលើការងាររដ្ឋបាលសម្រាប់មន្ត្រីខេត្តក្រុង ពី UNIVERSITY OF SANFRANCISCO លើច្បាប់បោះឆ្នោត,ពីវិទ្យាស្ថានកម្ពុជាដើម្បីសិទ្ធិមនុស្សលើផ្នែកអភិបាលកិច្ចល្អ និងទទួលបានវិញ្ញាបនបត្រ័ពីសាលាក្រុងភ្នំពេញលើការងាររដ្ឋបាល។
ក្រោយពេលបញ្ចប់ការសិក្សាចំណេះដឹងទូទៅហើយ លោកគួច ចំរើនបាននិយាយប្រាប់រស្មីកម្ពុជាថា ខ្ញុំបានចូលបម្រើការងារជាកងទព័ នៅយោធាខេត្តសៀមរាបថ្ងៃ២៨ខែមិថុនាឆ្នាំ១៩៨៩មិនមែនថ្ងៃទី១៥កញ្ញា១៩៨៩ទេ។ថ្ងៃទី១៥ខែកញ្ញាឆ្នាំ១៩៨៩សរសេរច្រឡំដោយអ្នកធ្វើជំរឿននៅឆ្នាំ២០០០ហើយមិនបានកែក៏ប្រើរហូតដល់សព្វថ្ងៃ ។ ពេលធ្វើជាកងទព័នៅខេត្តសៀមរាប មានតួនាទីជាប្រធានខនៃការិយាលយ័កំណែនយោធាខេត្ត ។ នៅថ្ងៃទី១៥កញ្ញាឆ្នាំ១៩៨៩ ត្រូវបានអង្គភាពបញ្ជូនទៅរៀននៅសាលាវប្បធម៌កងទព័ស្វាយរលំ ខេត្តកណ្តាល។ នៅថ្ងៃទី៤ខែកញ្ញាឆ្នាំ១៩៩០ដល់ថ្ងៃទី២៨មីនាឆ្នាំ១៩៩១ មានតួនាទីជាប្រធានខ នៅសាលាវប្បធម៌កងទព័។
លោកបានអោយដឹងទៀតថាដោយសារខ្ញុំមានសញ្ញាប័ត្របញ្ចប់ការសិក្សាចំណេះដឹងទូទៅក្រសួងការពារជាតិបានជ្រើសរើសយករូបខ្ញុំអោយទៅបន្តការសិក្សានៅមហាវិទ្យាល័យបច្ចេកទេសកងទ័ពប្រទេសវៀតណាម រយៈពេលមួយឆ្នាំ(១៩៩០) និងបន្ទាប់ពីមានកិច្ចព្រមព្រៀងសន្តិភាពទីក្រុងប៉ារីសរួចមក កងទព័ដែលបានបញ្ជូនទៅរៀននៅបរទេសទាំងអស់ត្រូវបានក្រសួងការពារជាតិហៅអោយត្រឡប់ចូលមកស្រុកវិញនៅឆ្នាំ១៩៩១។
ពេលត្រឡប់ចូលស្រុកវិញលោកគួច ចំរើនបានចូលទៅនៅអង្គភាពង៧០(ដេអិន)និង បានស្នាក់នៅបណ្តោះអាសន្នមួយរយៈពេលខ្លី នៅសាលាយោធាឬស្សីកែវហើយបានបន្តទៅនៅក្នុងកងពលលេខ៧ (ឧត្តង្គ) រហូតដល់ថ្ងៃទី២៨ខែមីនាឆ្នាំ១៩៩៣ក្រសួងការពារជាតិបានស្នើទៅក្រសួងអប់រំអោយជួយបើកសាលាបណ្តុះបណ្តាលដល់នាយទាហានដែលរៀនមិនទាន់ចប់មកពីបរទេសអោយបានរៀនបន្តដល់ចប់ ។ ប៉ុន្តែដោយសារប្រទេសកម្ពុជានៅពេលនោះ មិនទាន់មានសាលាបច្ចេកទេស(រថក្រោះ)កងទព័នៅឡើយ លោកក៏ត្រូវបានផ្ទេរទៅរៀននៅសាលាសេដ្ឋកិច្ចដល់ចប់ ហើយក៏ផ្ទេរក្របខណ្ឌចេញពីក្រសួងការពារជាតិទៅក្រសួងមហាផ្ទៃ និងមកបម្រើការងារនៅសាលាក្រុងភ្នំពេញ។
ក្នុងពេលបម្រើការងារនៅរាជធានីភ្នំពេញ នៅឆ្នាំ១៩៩៨ដល់ថ្ងៃទី១៣ខែកក្កដាឆ្នាំ១៩៩៩ លោកគួច ចំរើនជាបុគ្គលិកចាត់តាំងសាលាខណ្ឌចំការមន រាជធានីភ្នំពេញ។ ពីថ្ងៃទី១៣ខែកក្កដាឆ្នាំ១៩៩៩ដល់ថ្ងៃទី២៣ខែកក្កដាឆ្នាំ២០០៤ ជាអភិបាលរងខណ្ឌចំការមន។ពីថ្ងៃទី២៣ខែកក្កដាឆ្នាំ២០០៤ដល់ថ្ងៃទី១៦ខែឧសភាឆ្នាំ២០១៤ ជាអភិបាលខណ្ឌមានជយ័ ។ពីថ្ងៃទី១៦ខែឧសភាឆ្នាំ២០១៤ដល់ថ្ងៃទី៦ខែធ្នូឆ្នាំ២០១៦ ជាអភិបាលខណ្ឌដូនពេញ។ពីថ្ងៃទី០១ខែធ្នូឆ្នាំ ២០១៦ដល់ថ្ងៃទី១៦ខែមិថុនាឆ្នាំ២០១៧ ជាអគ្គនាយករងរដ្ឋបាលក្រសួងមហាផ្ទៃហើយនឹងបច្ចុប្បន្ន ជាអភិបាល នៃគណៈអភិបាលខេត្តកំពង់ចាម។
លោកគួច ចំរើន មានភរិយាឈ្មោះ អ៊ូ ធីតាពៅ កើតថ្ងៃទី២៤ខែមេសាឆ្នាំ១៩៨៤ មានមុខរបរជាមេធាវី ស្នាក់នៅផ្ទះលេ១៤ ផ្លូវលេខ៤៤៦ ភូមិ៥សង្កាត់ទួលទំពូងខណ្ឌចំការមន រាជធានីភ្នំពេញ។មានកូនប្រុសបីនាក់ ឈ្មោះគួច ចំរើនរដ្ឋ , គួច ចំរើនជាតិ និង គួចចំរើនភព អ្នកទាំងបីកំពុងសិក្សា។
លោកគួច ចំរើន មានឪពុកបង្កើតឈ្មោះ គួច ណាំហេង ដែលបានទទួលមរណកាលក្នុងរបបប៉ុលពត ។ មានម្តាយបង្កើតឈ្មោះសុខ ឈាង កើតនៅថ្ងៃទី១ខែមករាឆ្នាំ១៩៤៤ នៅភូមិត្នោត ឃុំកំពង់ចិន ស្រុកស្ទោង ខេត្តកំពង់ធំ បច្ចុប្បន្នរស់នៅរាជធានីភ្នំពេញ។
លោកគួច ចំរើន ជាកូនទី៤ នៃបងប្អូនទាំង៥នាក់។
កាលក្នុងរបបប៉ុលពតលោកគួច ចំរើន ស្ថិតក្នុងវយ័កុមារភាពនៅឡើយដោយរស់នៅភូមិតាពរ័លើ ឃុំពង្រក្រោមដែលជាទីកំណើតរបស់លោករហូតដល់ឆ្នាំ១៩៧៨ ទើបគេចាប់ផ្តើមប្រើអោយជួយធ្វើការងារដូចជាកុមារដទៃទៀតដែរ។
នៅពេលសួរថាហេតុអីបានជាអ្នកខ្លះហៅឈ្មោះលោកថាប៉េ៥(P5) លោកគួច ចំរើន បានដំណាលថាក្រោយការបោះឆ្នោតឆ្នាំ១៩៩៣ ដែលរៀបចំឡើងដោយ UNTAC នៅភ្នំពេញមានចលនាយុវជនជាច្រើនក្រុមបម្រើអោយគណបក្សនយោបាយផ្សេងៗគ្នា។ដោយមើលឃើញការទទួលខុសត្រូវខ្ពស់ខាងនយោបាយរបស់សម្តេចហ៊ុនសែនសហនាយករដ្ឋមន្ត្រីនាពេលនោះ ខ្ញុំរួមជាមួយនឹងមេដឹកនាំនិស្សិតតាមបណ្តាគ្រឹះស្ថានឧត្តមសិក្សានានាសម្រេចចូលរួមក្នុងក្រុមយុវជនបក្សប្រជាជនកម្ពុជា ដោយរកគ្រប់វិធីដើម្បីបានចូលជួបសម្តេចសហនាយករដ្ឋមន្ត្រី បន្ទាប់ពីប្រមូលផ្តុំមេក្រុមនិស្សិតនៅតាមមហាវិទ្យាលយ័និងសាកលវិទ្យាលយ័នានាមកចងក្រងជាក្រុមបានហើយ ក្នុងគោលបំណង សុំការណែនាំនិងតម្រង់ទិសនិស្សិតពីសម្តេច។
លោកបាននិយាយទៀតថាពេលចងក្រងបានជាក្រុមហើយ នៅឆ្នាំ១៩៩៥ ដែលកាលនោះសម្តេចជានាយករដ្ឋមន្ត្រីទី២បានអនុញ្ញាតអោយក្រុមនិស្សិតដែលមានគ្នាចំនួន២២នាក់ ចូលជួបសំណេះសំណាលនៅភូមិគ្រឹះវិមានឯករាជ្យ។ពេលនោះសម្តេចបានប្រសិទ្ធិនាមក្រុមនិស្សិតនេះថាជាក្រុម២២ ។ សម្តេចបានប្រគល់ក្រុមនេះអោយទៅគណបក្សប្រជាជនកម្ពុជារាជធានីភ្នំពេញ ដែលមានឯកឧត្តមជា សុផារ៉ា អភិបាលរងទី១នៃរាជធានីភ្នំពេញជាអ្នកដឹកនាំនិងគ្រប់គ្រង។
លោកបានបន្ថែមទៀតថា នៅគណបក្សប្រជាជនក្រុងភ្នំពេញកាលនោះមានច្រើនក្រុមនិងធ្វើការងារផ្សេងៗគ្នាហើយដើម្បីងាយស្រួលធ្វើការទំនាក់ទំនងគ្នាតាមវិទ្យុទាក់ទង ក្រុម២២ក៏បានដាក់រហស័នាមអោយគ្រប់គ្នា ដោយអក្សរប៉េគឺចាប់ពីប៉េ១ឡើងដោយខ្ញុំមានរហស័នាមប៉េ៥ ឯកឧត្តមឃួងស្រេងប៉េ៧ ។ រហស័នាមនេះបានប្រើប្រាស់រហូតដល់សព្វថ្ងៃ តែប្រជាពលរដ្ឋទូទៅមិនបានស្គាល់ឈ្មោះនេះទេ គឺមានតែមន្ត្រីអាជ្ញាធរមូលដ្ឋាននិងមន្ត្រីកងកម្លាំងប្រដាប់អាវុធប៉ុណ្ណោះ ដែលបានស្គាល់រហស់នាមនេះច្បាស់៕ប្រភព៖ រស្មីកម្ពុជា