នេះបើយោងទៅតាមការបង្ហោះរបស់គណនីហ្វេសប៊ុកផេកដែលមានឈ្មោះថា Youth Save Cambodian បានធ្វើការលើកឡើងឲ្យដឹងនៅលើបណ្តាញសង្គមហ្វេសប៊ុកថា ៖ ជីវិតក្មេងស្រីក្រីក្រម្នាក់រស់នៅជាមួយជីដូនចាស់ដើរសុីឈ្នួលគេគ្រប់គ្នាគេមានកង់ជិះទៅរៀន ចុះខ្ញុំ? (មុំ ឆយី ថ្នាក់ទី៥)ទោះបីដើរទៅរៀន ចម្ងាយ 1 250ម៉ែត្រ (ផ្ទះ»សាលា) ក៏ខ្ញុំទៅរៀនដែរ ហើយរៀនរហូតក្លាយជាសិស្សពូកែក្នុងថ្នាក់ (បឋមសិក្សា ពោធិខ្ទម្ពរ?ពិតជារំជួលចិត្ត ចំពោះភាពតស៊ូរបស់ប្អូនស្រី ដែលមានជីវភាពខ្វះខាត ថវិកា សម្ភារៈសិក្សា និង មធ្យោបាយធ្វើដំណើរ(កង់) ទៅសាលារៀន ។
ហើយអ្វីដែលពិសេសនោះក្មេងស្រីម្នាក់នេះរៀនរហូតទទួលបានប័ណ្ណសរសើរ 3ឆ្នាំជាប់ៗគ្នា (ចំណាត់ថ្នាក់លេខ ២)??បច្ចុប្បន្នរស់នៅក្នុងភូមិផ្លូវទ្រាស ឃុំឈូកខ្សាច់ ស្រុកបារាយណ៍ ខេត្តកំពង់ធំ។???? ប្រសិនបើបងប្អូនមានសេចក្តីអាណិត និងចង់ជួយប្អូនស្រីអាចទំនាក់ទំនងមកខ្ញុំបាទ Tel: 093633500 /012880624 #សូមជួយចែករំលែកដល់ប្អូនស្រីផង
បន្ទាប់ពីបានឃើញការបង្ហោះបែបនេះរួចស្រាប់តែគណនីហ្វេសប៊ុករបស់ថៅកែហាងពេជ្រស្រីដែលមានឈ្មោះថា Dana Try បានធ្វើការបង្ហោះឲ្យដឹងនៅលើបណ្តាញសង្គមហ្វេសប៊ុកថា ៖ ខ្ញុំស្រលាញ់អ្នកតស៊ូណាស់ ព្រោះខ្ញុំធ្លាប់ជាក្មេងស្រីម្នាក់ ដែលជម្នះការលំបាក ជម្នះនឹងការមើលងាយគ្រប់បែបយ៉ាង រហូតមានថ្ងៃនេះ។ឃើញប្អូនស្រី ដើរចម្ងាយជាងមួយគីឡូម៉ែត្រ ដើម្បីទៅរៀននៅសាលា រហូតជាប់ឈ្មោះជាសិស្សពូកែ ៣ឆ្នាំជាប់គ្នាទៀត បងពិតជាសរសើរកម្លាំងចិត្តរបស់ប្អូនស្រីណាស់។
ខ្ញុំចង់ជួយកង់គាត់មួយគ្រឿង និងសម្ភារៈសិក្សាមួយចំនួនទៀត។ លឺថាគាត់រៀននៅបឋមសិក្សា ពោធិខ្ទម្ពរ ស្រុកបារាយណ៍ ខេត្តកំពង់ធំ។ មានបងប្អូនយើងណាស្គាល់ផ្ទះគាត់អត់?កើតមកគ្មានទ្រព្យសម្បត្តិ រស់ក្នុងភាពក្រីក្រ មិនមែនជាកំហុសយើងទេ ហើយក៏មិនមែនជាកំហុសអ្នកណាដែរ។ តែបើយើងមិនតស៊ូ យើងផ្ដេកផ្ដួលលើស្ថានភាពដែលយើងកំពុងមាន ទើបជាកំហុសធំបំផុតក្នុងឆាកជីវិត។ មានជីវិត ត្រូវមានការតស៊ូ! ៕
