បើយោងតាមគណនីហ្វេសប៊ុកមួយដែលមានឈ្មោះថា បង ម៉េង អ្នកសារព័ត៌មាន បានបង្ហោះសារដង្ហើយសូមឲ្យបងប្អូន សប្បុរសជន មេត្តាជួយដល់ក្រុមគ្រួសារ របស់ សួន ភា ដែលជាមន្រ្តីដ៏ល្អម្នាក់ បានដេញតាមប្រមាញ់ ចាប់ចោរឆក់ តែក៏ត្រូវរថយន្ត បុកពេញទំហឹង បណ្តាលឲ្យរងរបួសយ៉ាងធ្ងន់ធ្ងរ កាលពីថ្ងៃទី៣១ ខែធ្នូ ឆ្នាំ២០១៩ ។
នៅក្នុងគណនីហ្វេសប៊ុកខាងលើបានបង្ហោះសារថា " ស៊ែរជួយរកជំនួយផង សមត្ថកិច្ចដេញចាប់មុខសញ្ញាឆក់ ត្រូវឡានបុកនោះ ពេលនេះភរិយាគាត់ដង្ហេីយរកសប្បុរសជនជួយឧបត្ថម្ភប្ដីគាត់ផង គាត់ហូបអ្វីមិនទាន់បានឡេីយ ហូបបានតែបបរបាញ់បញ្ជូនតាមមាត់ អីលូវកំពុងសម្រាកព្យាបាល នៅមន្ទីរពេទ្យលោកសង្ឃ
សូមចូលរួមសោកស្ដាយ និងកោតសរសេីរចំពោះការលះបង់នេះ ដើម្បីបុព្វហេតុបង្ក្រាបទប់ស្កាត់ រាល់បទល្មើសក្នុងនាមជាកងកម្លាំងសមត្ថកិច្ច រក្សាបាននូវសន្តិសុខ សុវត្តិភាពជូនប្រជាពលរដ្ឋ!
សូមបញ្ជាក់ថា លោក សួន ភា អាយុ៣៨ឆ្នាំ នៅមុនកើតហេតុ គាត់បានឃេីញជនសង្ស័យដែលជាមុខសញ្ញាឆក់ ទេីបមានចិត្តជួយក្នុងនាមជាកងកម្លាំង តែសោកស្ដាយបែរជួបគ្រោះថ្នាក់ រថយន្តបុកដួលបោកនឹងថ្នល់យរងរបួសធ្ងន់ ត្រូវបានបញ្ជូនទៅសង្គ្រោះភ្លាមៗ ចំណែករថយន្តបង្កបានបេីករត់បាត់ មុខសញ្ញាក៏រត់បាត់ទៀត កាលពីវេលាម៉ោងជិត០៤ទាបភ្លឺ ឈានចូលថ្ងៃទី៣១ ខែធ្នូ ឆ្នាំ២០១៩នេះ នៅចំណុចស្តុបឌេអិន ផ្លូវកម្ពុជាក្រោម កែងផ្លូវលេខ២១៥ សង្កាត់មិត្តភាព ខណ្ឌ៧មករា ភ្នំពេញ"។
ប្រភព៖ បង ម៉េង អ្នកសារព័ត៌មាន
