ដូចដែលបងប្អូន មហាជន បានជ្រាបហើយថា កាលពីថ្ងៃទី០៣ ខែមករា ឆ្នាំ២០២០ មានករណីរលំបាក់អគារ៧ជាន់ នៅខេត្តកែប ដែលបណ្តាលឲ្យមានអ្នកស្លា ប់ចំនួន៧នាក់ហើយ បើគិតមកទល់និងពេលនេះ ហើយនៅពេលនេះ ក្រុមជួយសង្រ្គោះកំពុងតែរុករកជនរងគ្រោះជាបន្តទៀត ដើម្បីជួយសង្គ្រោះជីវិតរបស់កម្មករដែលជានៅក្នុងអគារនោះ។
ដោយឡែកនៅក្នុងគណនីហ្វេសប៊ុករបស់លោក ផែង វណ្ណៈ បានលើកឡើងថា"រកឃេីញកំហុសសង់ខុសលិខិតអនុញ្ញាតតាំងពីខែធ្នូ ២០១៩ ហេតុអ្វីមិនបញ្ឈប់ការសាងសង់ ?
នៅថ្ងៃទី ៥ ខែ ធ្នូ ឆ្នាំ ២០១៩ មន្ទីររៀបចំដែនដី នគរូបនីយកម្ម និង សំណង់ ខេត្តកែប បានចុះពិនិត្យសំណង់អាគារនោះឃេីញថា សង់ខុសពីលិខិតអនុញ្ញាត ។ ក្នុងលិខិតអនុញ្ញាតអោយសង់តែកំពស់ ៥ ជាន់ទេ តែម្ចាស់សំណង់សង់ឡេីងបន្តរហូតដល់ ៧ ជាន់ បណ្ដាលអោយបាក់រលំនៅថ្ងៃទី ៣ ខែ មករា ឆ្នាំ ២០២០ តែម្ដង ។
ការរកឃេីញកំហុសសាងសង់តាំងពីថ្ងៃទី ៥ ខែ ធ្នូ ឆ្នាំ ២០១៩ មិនព្រមចេញលិខិតផ្អាក ឬ បញ្ឈប់ការសាងសង់ ហេីយនៅតែបន្តអោយសាងសង់ គឺជាកំហុសដ៏ធ្ងន់ធ្ងររបស់លោក វ៉ៅ សុខា ប្រធានមន្ទីររៀបចំដែនដី នគរូបនីយកម្ម និងសំណង់ខេត្តកែប ។ ការបិទភ្នែកអោយបន្តសាងសង់ទាំងខុសលិខិតអនុញ្ញាតនេះត្រូវបានគេសង្ស័យថាជាប់ពាក់ព័ន្ធនឹងអំពេីពុករលួយ ។
យេីងរង់ចាំមេីលថាតេី មន្ត្រីណាខ្លះពាក់ព័ន្ធនឹងករណីបាក់រលំអគារនៅខេត្តកែបដែលបណ្ដាលអោយស្លា ប់មនុស្ស និង របួសច្រើននាក់នោះ ។
ប្រភព៖ Pheng Vannak News
