ប្រិយមិត្តជាទីមេត្រី ឥទ្ធិពល​នៃ​ជំងឺ​ផ្លូវដង្ហើម​បង្ក​ដោយ​កូរ៉ូណា (COVID-​19) ដែល​សម្លាប់​មនុស្ស​ជិត ៥០០០ នាក់ បានធ្វើ​ឲ្យ​ទម្លាប់​រាក់ទាក់​គ្នា​ជាសាកល​មាន​ការ​ប្រែប្រួល​គួរឲ្យ​កត់​សម្គាល់ ។ មនុស្ស​នៅ​ជុំវិញ​ពិភពលោក កំពុង​ផ្លាស់​ប្តូរ​ទម្លាប់​ពួក​គេ​ទាំង​នៅ​កន្លែង​ធ្វើ​ការ នៅផ្ទះ និង​កន្លែង​ផ្សេង​ៗ ក្នុង​គោលដៅ​បន្ថយ​ហានិភ័យ​ឆ្លង​កូរ៉ូណា​វីរុស​ថ្មីនេះ និង​បង្ការ​ការ​ចម្លង​ច្រើន​បន្ថែម​ទៀត ។

តួយ៉ាង នៅ​ក្នុង​កម្មវិធី​ប្រគល់​ពានរង្វាន់ The Prince's Trust Awards 2020 ព្រះអង្គម្ចាស់ Charles នៃ​ចក្រភព​អង់គ្លេស បានផ្លាស់​ប្តូរ​គំនិត​របស់​ព្រះអង្គ ពី​ការ​ចាប់ដៃ​គ្នា ការ​យក​ថ្ពាល់​ប្រកិត​លើ​ថ្ពាល់ និង​ការ​អោប​រឹត​ជាដើម មកធ្វើ​ជាសញ្ញា​ស្វាគមន៍ ដោយ​ផ្គុំ​ដៃទាំងពីរ​ចូលគ្នា ដែ​លមើល​ទៅ​កាយវិការ​បែបនេះ ដូចទៅ នឹង​ទម្រង់ «សំពះ​» ប្រពៃណី​របស់​ខ្មែរយើង​ដែរ ៕Credits: The Royal Family