ក្តៅៗ...ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ ប្រាប់ថាឲ្យដឹងថា ជនជាតិខ្មែរ ៣នាក់នៅកូរ៉េខាងត្បូង បានឆ្លង COVID-19...
ស៊ីហៀង
-

នៅមុននេះបន្តិចនៅលើបណ្តាញផេកផ្លូវការរបស់ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានចេញសេចក្តីជូនដំណឹងដល់បងប្អូនឲ្យបានជ្រាបថា"ស្ថានទូតកម្ពុជាប្រចាំប្រទេសកូរ៉េសូមជូនដំណឹងជាបឋមថាថ្ងៃសៅរ៍ ទី២១​ ខែមីនា​ ឆ្នាំ២០២០​នេះ​ មានជនជាតិខ្មែរចំនួន២នាក់ ដែលជានារីខ្មែររៀបការស្វាមីកូរ៉េ​ ០១នាក់​ អាយុ២៣ឆ្នាំ​ ម្តាយ​ អាយុ​ ៤៦ឆ្នាំ​ រួមជាមួយនឹងកូនប្រុសអាយុទើប៣ខែ នៅទីក្រុងប៊ូឆុន​ ដែលស្ថិតនៅចម្ងាយប្រមាណ២០គីឡូម៉ែត្រពីទីក្រុងសេអ៊ូល​ បានឆ្លងវីរ៉ុស​ COVID-19 ពីប្តីរបស់គាត់ ដែលប្តីរូបនោះបានឆ្លងពីក្មួយ​បានផ្ទុកវីរ៉ុសCOVID-19 ពីទីក្រុងដេគូ​ ដែលជាតំបន់ឆ្លងខ្លាំងជាងគេនៅកូរ៉េ​។

សូមជម្រាបជូនថា​ ប្តីរបស់នារីខ្មែររូបនេះ​ ត្រូវបានគេពិនិត្យឃេីញមាន​ COVID-19 នៅថ្ងៃទី០៧​ ខែមីនា​ ឆ្នាំ២០២០​និងត្រូវបានដាក់ឲ្យនៅដាច់ដោយឡែក​ និងព្យាបាលជិតជាសះស្បេីយរួចទៅហេីយ។

យប់មិញ​ (២១ មីនា ២០២០) ក្រុមគ្រូពេទ្យកូរ៉េ​ បានបញ្ជូនពួកគាត់ទៅមន្ទីពេទ្យម៉្យុងជី នៅអ៉ីលសានដើម្បីពិនិត្យ​ និងព្យាបាល។

បច្ចប្បន្ន​ ស្ថានទូតបាននិងកំពុងតែប្រមូលព័ត៌មានច្បាស់ការបន្ថែមទៀត និងធ្វើការសម្របសម្រួលជាមួយក្រសួងការបរទេសកូរ៉េ អាជ្ញាធរសុខាភិបាល មន្ទីរពេទ្យអ៉ីលសានម៉្យុងជី និងអាជ្ញាធរពាក់ព័ន្ធផ្សេងទៀត បន្ថែមពីនោះកំពុងបញ្ជូនមន្ត្រីចុះទៅមន្ទីរពេទ្យដោយផ្ទាល់ដេីម្បីតាមដានពីស្ថានភាពសុខភាពរបស់ពួកគាត់នាព្រឹកនេះ។

ប្រភព៖ ស្ថានឯកអគ្គរាជទូតកម្ពុជាប្រចាំសាធារណរដ្ឋកូរ៉េ