នៅព្រឹកថ្ងៃទី២៧ ខែមីនា ឆ្នាំ២០២០នេះ រដ្ឋបាលខេត្ត មន្ទីរសុខាភិបាល និងមន្ទីរពេទ្យបង្អែកខេត្តកោះកុង បានជូនដំណឹងល្អ សម្រាប់ក្រុមគ្រួសារក៏ដូចជាជនរួមជាតិទាំងអស់ឲ្យបានជ្រាបថា បុរសចំណាស់ជនជាតិខ្មែរវ័យ៥៧ឆ្នាំដែលឆ្លងជំងឺកូវីដដំបូងនៅខេត្តកោះកុង វិលត្រឡប់ទៅផ្ទះនៅខេត្តកំពតវិញហើយ ក្រោយព្យាបាលជាសះស្បើយ។
ជាក់ស្តែងនៅក្នុងគណនីហ្វេសប៊ុករបស់ BTV Cambodia បានធ្វើការបង្ហោះសារឲ្យដឹងថា " រដ្ឋបាលខេត្ត មន្ទីរសុខាភិបាល និងមន្ទីរពេទ្យបង្អែកខេត្តកោះកុង នៅព្រឹកថ្ងៃទី២៧ ខែមីនា ឆ្នាំ២០២០ បានអនុញ្ញាតឱ្យបុរសចំណាស់ជនជាតិខ្មែរវ័យ៥៧ឆ្នាំដែលឆ្លងជំងឺកូវីដដំបូងនៅខេត្តកោះកុង វិលត្រឡប់ទៅផ្ទះនៅខេត្តកំពតវិញហើយ ក្រោយព្យាបាលជាសះស្បើយ"។
ជាមួយគ្នានោះផងដែរ ក៏មានការសាទរ និងថ្លែងអំណរគុណជាខ្លាំង ពីសំណាក់បងប្អូនប្រជាពលរដ្ឋទៅកាន់ ក្រុមគ្រូពេទ្យ ក្នុងការមើលថែ បានយ៉ាងល្អ សម្រាប់អ្នកជំងឺ និងសូមអរគុណចំពោះទឹកចិត្តដ៏ល្អមួយនេះ ដែលមិនលះបង់ពួកគាត់ចោល ឲ្យរស់នៅក្នុងស្ថានភាពលំបាកតែម្នាក់ឯង៕
ប្រភព៖ BTV Cambodia