ញូយ៉ក៖ បើយោងតាមការចុះផ្សាយរបស់សារព័ត៏មាន Sputnik នៅព្រឹកថ្ងៃចន្ទនេះ បានឲ្យដឹងថា អភិបាលរដ្ឋញូយ៉ក លោក អ៊ែនឌ្រូ គ្យូម៉ូ បានផ្ងើរសារទៅកាន់អាជ្ញាធរ និងមន្រ្តីសុខាភិបាលនៅទូទាំងប្រទេស ថាសហរដ្ឋអាមេរិកកំពុងតែមានការព្រួយបារម្ភពីរោគសញ្ញាដ៏ចម្លែកថ្មី មានទំនាក់ទំនងនឹងជំងឺ កូវីដ ១៩ ដែលបានបង្កជំងឺយ៉ាងធ្ងន់ធ្ងរ និងធ្វើឲ្យកុមារមួយចំនួនបានស្លា ប់។

លោក Cuomo បាននិយាយថា រោគសញ្ញាដ៏ចម្លែកថ្មីនោះ បានផ្ដាច់ជីវិតកុមារបីនាក់ ក្នុងនោះមានម្នាក់នៅទីក្រុងញូយ៉ក និងពីរនាក់នៅក្នុងតំបន់ វែសត៍ឆេសស្ទឺរ (Westchester) និងតំបន់សាហ្វហ្វូក (Suffolk)។

លោក Cuomo បានបន្ថែមទៀតថា កុមារទាំងបីនាក់ដែលក្មេងជាងគេនោះ គឺមានអាយុ០៥ឆ្នាំ​ និងមានវ័យជំទង់ ហើយពួកគេសុទ្ធតែមានរោគសញ្ញា រលាកសរសៃឈា ម។ ខណៈពេលនេះ អាជ្ញាធរសុខាភិបាលកំពុងតែធ្វើការតាមដាន និងត្រួតពិនិត្យកុមារ ចំនូន ៨៥នាក់ ដែលមានរោគសញ្ញាពាក់ព័ន្ធនឹង COVID-19 ក៏ដូចជាកំពុងស៊ើបអង្កេត លើករណីកុមារពីរផ្សេងទៀតដែលបានស្លា ប់ផងដែរ។

បើតាមលោក Andrew Cuomo រោគសញ្ញាចម្លែកទាំងនេះមានលក្ខណៈប្រហាក់ប្រហែលនឹងជំងឺ toxic-shock និងកាវ៉ាសាគិ (Kawasaki) ដែលជាប្រភេទជំងឺកើតឡើងជាទូទៅ លើកុមារអាយុក្រោម ០៥ឆ្នាំ និងធ្វើឱ្យរលាកធ្ងន់ធ្ងរដល់បេះដូងកុមារ៕