ធ្លាប់តែធ្វើឲ្យបងប្អូនរាំសប្បាយរីករាយ ពេលនេះ Dj Black ធ្លាក់ខ្លួន បាន​ឱប​កាដុង​ទឹក​មួយ​អង្គុយ​ច្រៀង​លើ​រទេះ​រុញ​យ៉ាង​កម្សត់...

បងប្អូនមួយចំនួនប្រាកដជាបានស្គាល់ DJ Black ដែលលោកជាអតីត ពិធីករ វិទ្យុ ប៉ុស្ត៍107fm ជំនាន់ ជាមួយ ឌីជេ Lion តែមិនគួរណាមកជូបរឿងអកុសលបែបនេះសោះ ។ យោងតាមប្រភពពីបងប្អូនបានឲ្យដឹងថា គាត់ឈ្មោះDJ Black អតីត DJ ដែលបានជួបគ្រោះថ្នាក់ចរាចរណ៏យ៉ាងធ្ងន់ធ្ងរ បងប្អូនDJ ក៏ដូចជាបងប្អូនខ្មែរយើងទាំងអស់ បើបានស្គាល់សូមជួយដល់គាត់ផង ធ្លាប់ជាអ្នកសិល្បៈមួយរូបតែមិនសូវមានអ្នកស្គាល់ ហើយក៏បាត់មុខ ដោយសារគ្រោះថ្នាក់ ធ្លាក់ខ្លួនរកតែអង្ករមួយគ្រាប់គ្មាន។

យ៉ាងណាមិញ តារា​កំប្លែង​លោក ខាន់ ម៉េ ហៅ​នាយ ឆ្អឹង បាន​បង្ហាញ​ការ​អាណិត​អាសូរ​ចំពោះ​អ្នក​សិល្បៈ​វ័យ​ចំណាស់ គឺDj black ហើយ​លោក​ចង់​ឲ្យ​មាន​ការ​ជួយ​ជ្រោមជ្រែង​ពី​សប្បុរស​ជន ប៉ុន្តែ​លោក​ថា​ព័ត៌មាន​នេះ​បាន​បញ្ចេញ​ច្រើន​ថ្ងៃ​ហើយ​ពុំ​មាន​អ្នក​ចាប់​អារម្មណ៍។

នាយ​ឆ្អឹង បាន​បញ្ចេញ​អារម្មណ៍​ពិត​នៅ​លើ​បណ្ដាញ​សង្គម​ហ្វេស​ប៊ុក​ថា "ជីវិត​សិល្បៈ​ចុង​ក្រោយ​សល់​បាន​ប៉ុណ្ណឹង" ដែល​លោក​ចង់​សំដៅ​ដល់ Dj Black ដែល​កំពុង​រស់នៅ​ក្នុង​ស្ថានភាព​ក្រលំបាក បន្ទាប់​ពី​លោក​ជួប​ហេតុការណ៍​គ្រោះ​ថ្នាក់​ចរាចរណ៍​បណ្ដាល​ឲ្យ​ពិកា​នៅ​លើ​រទេះ​រុញ​អស់​មួយ​ជីវិត។

គួរបញ្ជាក់ផងដែរថា បើតាមសំដីរបស់ភរិយារបស់លោកបានឲ្យដឹងថា "ប្តីគាត់បានជួបគ្រោះថ្នាក់ចរាចរណ៍កាលពីវេលាម៉ោងមួយយប់ ដោយមកពីខេត្តបន្ទាយមានជ័យ ។ ភរិយារបស់លោកបានបន្តទៀតថា ប្តីរបស់គាតបច្ចុប្បន្នមានជំងឺខួលក្បាលត្បៀតជាមួយសរសៃឆ្អឹងខ្នង ហើយពេលនេះ ក្រុមគ្រួសារមួយនេះពិតជាមានការលំបាកជាខ្លាំង ដោយសារតែមិនសូវមានអ្វីហូបគ្រប់គ្រាន់ទេ ។ បច្ចុប្បន្នគាត់រស់នៅក្រោយសាលារៀនចុងព្រែក ពេលនេះផ្ទះរបស់គាត់ គ្មានទឹក គ្មានភ្លើងប្រើទេ ហើយបងស្រីដែលជាភរិយានិងទើបតែរលូតកូនទៀតផង។

ប៉ុន្តែ​នៅ​ក្នុង​រូប​ថត​៤​សន្លឹក​ដែល​បង្ហោះ​ដោយ​នាយ​ឆ្អឹង​កាល​ពី​ថ្ងៃ​ម្សិលមិញ​បង្ហាញ​ថា Dj Black បាន​ឱប​ប៊ីដុង​ទឹក​មួយ​អង្គុយ​ច្រៀង​លើ​រទេះ​រុញ​យ៉ាង​កម្សត់៕


Loading...