នាពេលថ្មីៗនេះ នៅលើបណ្តាញសង្គមហ្វេសប៊ុកហាក់មានការចាប់អារម្មណ៍ជាខ្លាំង ទៅការសិល្បៈនៃការផាត់មុខ របស់ម្ចាស់គណនីហ្វេសប៊ុកមួយដែលមានឈ្មោះថា Apple love Makeup Gallery ដែលម្ចាស់ Facebook រូបនេះ មានឈ្មោះពិតថា "ឌូ ពុធម៉ូលីតា"។
បើយើងសង្កេតមើលឲ្យបានល្អិតល្អន់មែនទែន នោះ គឺការផាត់មុខមួយនេះ ពិតជាអស្ចារ្យខ្លាំងណាស់ ហើយជាការផាត់មុខដែលប្លែក បើទោះជាយើងធ្លាប់ឃើញការផាត់មុខ របៀបខ្មោច ឬ ការផាត់មុខរបៀបផ្សេង រាល់ពេលដែលពិធីបុណ្យ ដូចជា ពិធីបុណ្យ Halloween ក៏ពិតមែន ប៉ុន្តែបើយើងងាកមកមើល ពីការផាត់មុខរបស់ប្អូនស្រី ឌូ ពុធម៉ូលីតា គឺមានការប្លែក និងគួរឲ្យចាប់អារម្មណ៍ជាខ្លាំង ។
អ្នកលេងបណ្តាញសង្គមហ្វេសប៊ុកកំពុងតែតាមដានពីស្នាដៃដ៏ល្អវិសេសរបស់ប្អូនស្រី យ៉ាងជក់ចិត្តព្រមជាមួយភាពក្រមិចក្រមើមរបស់ប្អូនស្រីផងនោះ កាន់តែធ្វើឲ្យទាក់ទាញមួយកម្រិតទៀត។
ដោយឡែកប្អូនស្រីបានបង្ហាញពីការផាត់មុខ សត្វគ្រុឌ ដែលជាសត្ថមួយដ៏អស្វារ្យ និងមានមាឌធំ ។ ប្អូនស្រីក៏បានសរសេរសាច់រឿងបន្តិតបន្តួចផងដែរដើម្បីជាការចែករំលែកដល់អ្នកអាន ។ នៅក្នុងអត្តន័យនោះបានសរសេរថា "សត្វគ្រុឌមានប្រវត្តិតាំងពីយូរលង់មកហើយ ដែលសត្វនេះមានពាក់ព័ន្ធ នៅក្នុងទេវកថានៃព្រហ្មញ្ញសាសនា។ សត្វគ្រុឌនេះដែរ ក៏ត្រូវបានគេចាត់ ទុកដូចជាសត្វអច្ឆរិយៈផ្សេងៗទៀត ដែលខ្មែរបុរាណបានឲ្យតម្លៃ តាំងពី ប្រមាណជាង ២ ០០០ឆ្នាំមកហើយ។ នៅក្នុងទេវកថាឥណ្ឌា មានសត្វជា ច្រើនត្រូវបានចាត់ទុកថាជាទេព ឬក៏ជាពាក់កណ្តាលទេព ឧទាហរណ៍ដូច ពស់ ឬនាគ អណ្តើក ខ្លាឃ្មុំ ស្វា គោ ដំរី ក្ងោក ខ្លាជាដើម។ ដូចគ្នានេះដែរ សត្វគ្រុឌ ក៏មានតួនាទីសំខាន់ក្នុងទេវកថាឥណ្ឌា ហើយត្រូវបានគេ ចាត់ ទុកថា បក្សីរាជា។ សត្វគ្រុឌ គឺជាយានជំនិះរបស់ព្រះវិស្ណុ ហើយសត្រូវ សួរពូជរបស់គ្រុឌគឺសត្វនាគ។ នៅឥណ្ឌាមានពិធីបុណ្យគោរពបូជា ដល់ គ្រុឌដែលតែងតែប្រារព្ធធ្វើឡើងនៅថ្ងៃ៥ កើត ខែស្រាពណ៍រៀងរាល់ឆ្នាំ។
ដោយសារនិមិត្តរូបទាំងប៉ុន្មានខាងលើនោះហើយ បានជាក្នុងវិស័យលិស្បៈស្ថាបត្យកម្មខ្មែរ សត្វគ្រុឌបានដើរតួនាទីយ៉ាងសំខាន់ជាទីបំផុតមួយ ។ តែទោះបីជាមានការសិក្សាយ៉ាងច្រើន ស្តីអំពីនិមិត្តរូបរបស់បក្សីសួគ៌នេះក្តី ក៏នៅតែមានចំណុចវិជ្ជមានមួយចំនួនទៀត ដែលមិនទាន់មានការវិភាគស៊ីជម្រៅនៅឡើយដែរ ។ ជាឧទាហរណ៍ជាក់ស្តែង លទ្ធផលនៃការសិក្សាស្រាវជ្រាវរបស់យើងរវាងឆ្នាំ១៩៩២ និង ២០១០ បានឲ្យដឹងថា ស្ថាបត្យករនាសម័យបុរេអង្គរ ជាពិសេសក្រុមប្រាសាទសម្បូរព្រៃគុក បានដាក់ទម្ងន់យ៉ាងខ្លាំងទៅលើភាពលំហ បានឆ្លាក់សត្វគ្រុឌទ្រខឿនប្រាសាទនៅផ្នែកខាងក្រោមតំណាងឲ្យភ្នំសុមេរុ ។ នេះជាប្រពៃណីមួយ ដែលត្រូវបន្តនៅប្រាសាទអង្គរវត្ត ហើយទង្វើនេះគឺជាការបង្ហាញថា ប្រាសាទសម្បូរព្រៃគុក និងប្រាសាទអង្គរវត្ត គឺជាទេវស្ថានដែលស្ថិតនៅលើស្ថានសួគ៌យ៉ាងប្រាកដ ។
មានវិដេអូ៖
ប្រភព៖ Apple love Makeup Gallery
