អាមេរិក៖ បុរសជនជាតិស្បែកខ្មៅម្នាក់ ត្រូវបានគេរាយការណ៍ថា បានស្លាប់បាត់បង់ជីវិតបន្ទាប់ពីរូបគាត់ត្រូវបានប៉ូលិសចាប់ផ្តួលទៅលើដី និងយកជង្គង់ទៅសង្កត់លើករបស់គាត់ដើម្បីដាក់ខ្នោះ។ បើតាមសារព័ត៌មាន according to local news outlet Fox 9 បានឲ្យដឹងថា ហេតុការណ៍នេះបានកើតឡើងនៅក្នុងក្រុង Minneapolis រដ្ឋ Minnesota សហរដ្ឋអាមេរិក ខណៈអត្ថសញ្ញាណពិតប្រាកដរបស់ជនរងគ្រោះមិនត្រូវបានបង្ហាញជាសាធារណៈឡើយ។ ប្រភពខាងលើបានបន្តថា បុរសស្បែកខ្មៅដែលជាជនរងគ្រោះឈ្មោះ George Floyd ទំនងជាមានអាយុជាង ៤០ សិបឆ្នាំ ហើយការឃាត់ខ្លួនរូបគាត់ត្រូវបានធ្វើឡើងព្រោះខាងប៉ូលិសបានមើលឃើញថា នៅក្នុងរថយន្តរបស់គាត់មានដឹកបុរសម្នាក់ដែលមានមុខមាត់ដូចជនសង្ស័យម្នាក់ ដែលប៉ូលិសកំពុងតាមចាប់ខ្លួន។

យ៉ាងណាក្តី ពេលប៉ូលិសឃាត់រថយន្តរបស់គាត់ បុរសជាជនរងគ្រោះមិនព្រមចុះពីលើរថយន្តតាមសម្រួលឡើយ ដោយគាត់បានអះអាងថា គាត់មិនបានធ្វើអ្វីខុសនោះទេហើយគាត់ពិតជាប្រញាប់ធ្វើដំណើរទៅមុខទៀតជាចាំបាច់។ ព្រោះតែគាត់មិនព្រមធ្វើតាមការស្នើសុំរបស់ប៉ូលិស ទើបប៉ូលិសសម្រេចចាប់អូសគាត់ចេញពីរថយន្ត ផ្ដួលទៅលើដី និងយកជង្គង់ទៅសង្កត់ចំករបស់គាត់ ប្រហែលជា៤នាទីនៅតាមផ្លូវក្បែរនឹងរថយន្ត SUV របស់ប៉ូលីសដើម្បីដាក់ខ្នោះគាត់ ដោយការសង្កត់នោះមានរយះពេលយូរ បើទោះបីសាធារណៈជនអង្វរឱ្យបន្ធូរបន្ថយដល់ជនរងគ្រោះដែលត្រូវបានចោទប្រកាន់នោះក៏ដោយក៏ប៉លីសនោះមិនមាននូវការលើកលែងឡើយ ហើយពេលនោះជនរងគ្រោះបានសន្លប់បាត់ស្មារតីនិងត្រូវបញ្ជូនទៅកាន់មន្ទីរពេទ្យជាបន្ទាន់ផងដែរ។

ក្នុងពេលល្ងាចនៃថ្ងៃកើតហេតុនោះខាងប៉ូលិសបានប្រកាសថា បុរសជនគ្រោះបានស្លាប់បាត់បង់ជីវិតហើយ ខណៈខាងមន្ទីរពេទ្យបានអះអាងថា ជនរងគ្រោះមានជំងឺប្រចាំកាយកម្រិតធ្ងន់រួចទៅហើយមុនពេលពេលប៉ូលិសចាប់ខ្លួននិងបញ្ជូនទៅដល់មន្ទីរពេទ្យ។ យ៉ាងណាក្តី បើតាមសាក្សីដែលបានឃើញហេតុការណ៍ផ្ទាល់បានឲ្យដឹងថា បុរសជនងគ្រោះបានថប់ដង្ហើមស្លាប់តាំងពីនៅកន្លែងកើតហេតុម្លះ៕ សូមទស្សនាវិដេអូខាងក្រោម៖ 

សម្រួលអត្ថបទដោយ៖SOEUR.

ប្រភព aljazeera