រឿងប្លែកដើមខែ ! ស្រីស្អាតម្នាក់ដេកមិនលក់ ចេះតែខ្លាច គិតថាចោរគាស់ផ្ទះ ក៏ខលប្តឹងប៉ូលិស ផ្អើលទាំងយប់ ពេលប៉ូលិសមកដល់ហួសចិត្តគ្រប់គ្នាតាមពិត...
ស៊ីហៀង
- 6664

​ភ្នំពេញ ៖  នេះគឺជារឿងមួយដែលប្លែកខ្លាំងបំផុតហើយនៅដើមខែ កក្កដា នេះបន្ទាប់ពីមានស្រីស្អាតម្នាក់នៅផ្ទះម្នាក់ឯង ចេះតែព្រឺឆ្អឹងខ្នងខ្ញាក់ៗ និងឮសូរសំលេងខ្យល់បក់ប្រាវ ៗ ភ្លាមនោះនារីម្នាក់នោះស្រាប់តែកើតមានអារម្មណ៍ថាខ្លាចខ្លាំងណាស់ បេះដូងលោត ចុះឡើងៗក៏ដាច់ចិត្តទាញទូរស័ព្ទប្តឹងទៅសម្ថតកិច្ចទាំងដៃកំពុងតែញ័រ ហើយប្រាប់ថាមានចោរចូលផ្ទះ ភ្លាមនោះសមត្ថកិច្ច​ចុះ​ទៅ​សួរនាំ​ទាំង​យប់​តែ​ម្តង។

ហេតុការណ៍នេះបានកើតឡើងនៅកាលពី​វេលា​ម៉ោង​៣​ទៀប​ភ្លឺ ថ្ងៃ​ទី​២ ខែកក្កដា ឆ្នាំ​២០២០ នៅ​បុរី​ពិភព​ថ្មី​ចំការ​ដូង ផ្លូវ​អក្សរ E ផ្ទះ​លេខ​៤៨ ស្ថិត​ក្នុង​សង្កាត់​ព្រៃ​ស ខណ្ឌដង្កោ ។ 

បន្ទាប់​ពី​ទទួល​បាន​ដំណឹង​ភ្លាម សមត្ថកិច្ច​មូលដ្ឋាន ក៏​ដូច​ជា សន្តិសុខ​ដែល​យាម​នៅ​បុរី​ខាងលើ បាន​ចុះ​ទៅ​ដល់​ផ្ទះ​នារី​រូប​ស្រស់ រួច​ហើយ​ក៏​បាន​ដើរ​រក​មើល​ជុំវិញ​ផ្ទះ ដូច​ជា​ក្នុងផ្ទះ ប៉ុន្តែ​មិនឃើញ​មាន​អ្វី​ប្លែក​នោះ​ទេ មាន​តែ​លឺ​សំឡេង​ខ្យល់​បក់​ប៉ះ​ជាមួយនឹង​ស័ង្កសី នៅ​លើដំបូល​ផ្ទះ​តែ​ប៉ុណ្ណោះ ។

ក្រោយ​ពេល​កើតហេតុ សមត្ថកិច្ច​បាន​បញ្ជាក់​ដែរ​ថា មក​ពី​នារី​ជា​ម្ចាស់ គាត់​នៅ​តែ​ម្នាក់ឯង ខ្លាច ណាមួយ​ដេក​មិន​លក់​ផង បូក​រួម​ទាំង​មាន​ខ្យល់​បក់​ប៉ះ​ជាមួយនឹង​ស​ង្ក័​សី​លើដំបូល​ផ្ទះ​ទៀត ទើប​ធ្វើ​ឱ្យ​នាង​អារម្មណ៍​ភ័យ​ខ្លាច​ថា មាន​ជនសង្ស័យ​ចូល​គាស់​ផ្ទះ​តែ​ម្ដង​ទៅ ៕


Loading...