លោក​ឧកញ៉ា​ ស្រី​ ចាន់ថន​ នាំយក​អំណោយ​សប្បុរសជន​ទៅចែក​ជូន​ប្រជាពលរដ្ឋ​ក្រីក្រ​ចំនួន​ ១០០​ គ្រួសារ​
ស៊ីហៀង
- 725

នៅព្រឹក​ថ្ងៃទី​ ៤​ ខែ​ កក្កដា​ ឆ្នាំ​ ២០២០​ ក្រុម​រួបរួម​មិត្ត​ដេីម្បី​ការងារ​មនុស្សធម៌​យេីង​ខ្ញុំ​ បាន​សហការ​ជាមួយ​ក្រុម​ចលនា​យុវជន​ ក១៥៧​ ដែលមានលោក​ឧកញ៉ា​ ស្រី​ ចាន់ថន​ ប្រធាន​ចលនា​យុវជន​ ក១៥៧​ ខេត្ត​កណ្ដាល​ តំណាង​ ឯកឧត្ដម​ ម៉ឹង​ ពន្លក​ ប្រធាន​ចលនា​យុវជន​ ក១៥៧​ និង​ ឧកញ៉ា​ លី​ ឈុនអ៊ូ​ រួមទាំង​អាជ្ញាធរ​មូលដ្ឋាន​ និង​ យុវជន​សហភាព​សហព័ន្ធ​យុវជន​កម្ពុជា​ ស្រុក​ ខ្សាច់​កណ្ដាល​ នាំយក​អំណោយ​សប្បុរសជន​ទៅចែក​ជូន​ប្រជាពលរដ្ឋ​ក្រីក្រ​ចំនួន​ ១០០​ គ្រួសារ​ នៅ​ភូមិ​ចំនួន​ ៤​ ក្នុង​ឃុំ​ សន្លុុង​ ស្រុក​ខ្សាច់​កណ្ដាល​ ខេត្ត​ កណ្ដាល​ ដោយ​ក្នុង​មួយ​គ្រួសារ​ៗទទួលបាន​អំណោយ​រួមមាន​ ៖ អង្ករ​ ២០​ គ.ក្រ​ មី​ ១កេស​ ត្រី​ ១០​ កំប៉ុង​ ទឹកត្រី​១ដប​ ទឹក​ស៉ីអ៉ីវ​១ដប​ ស្កស​ ១​ គ.ក្រ​ ទឹក​ជេល​លាងដៃ​ ២ដប​តូច​ ក្រម៉ា​ ១​ មួកសុវត្ថិភាព​ ១​ នំប៉័ង​ ១​ ទឹក​សុទ្ធ​ ១ដប​ ថវិកា​ ៤​ ម៉ឺន​រៀល​ ។

ឆ្លៀតក្នុងឱកាសនោះ​ ខ្ញុំ​បាទ​ និង​ លោកឧកញ៉ា​ ស្រី​ ចាន់ថន​ បាន​ក្រេីនរំលឹក​អោយ​ប្រជាពលរដ្ឋ​បន្ត​ការ​ប្រុងប្រយ័ត្ន​អំពី​ មេរោគ​កូវីដ​ ១៩​ ជា​ពិសេស​ត្រូវ​ស្ដាប់​តាម​ការណែនាំ​របស់​ក្រសួង​សុខាភិបាល​ និង​ ថែរក្សា​អនាម័យ​អោយបានត្រឹមត្រូវ​ ព្រមទាំង​សំណូមពរ​អោយ​បងប្អូន​ប្រជាពលរដ្ឋ​ បន្ត​ចូលរួម​ គោរព​ច្បាប់​ចរាចរណ៍​ទាំងអស់គ្នា​ ដេីម្បី​សុវត្ថិភាព​ក្រុមគ្រួសារ​ និង​ សង្គម​ជាតិ​យេីង​ ។

ខ្ញុំ​បាទសូម​គោរព​ថ្លែងអំណរគុណ​ចំពោះ​ឯកឧត្ដម​ លោកជំទាវ​ លោកឧកញ៉ា​ លោក​ លោកស្រី​ សប្បុរសជន​ ទាំងអស់​ដែល​បានរួម​ចំណែក​ឧបត្ថម្ភ​ដល់ប្រជាពលរដ្ឋ​ដែលមានការខ្វះខាត​ និង​ សូមគោរព​ជូនពរ​ ឯកឧត្តម​ លោកជំទាវ​ លោកឧកញ៉ា​ លោក​ លោកស្រី​ សប្បុរសជន​ទាំងអស់​ជួបប្រទះ​តែសេចក្ដីសុខ​ សេចក្ដី​ចំរើន​ ជានិច្ច​និរន្ត​ ។

ប្រភព៖ Pheng Vannak News

Loading...