ប្រិយមិត្តមួយចំនួនប្រហែលជាស្គាល់ហើយ កីឡាករបាល់ទះ ដែលមានរហ័សនាមថា ប្តូរចង្កេះលើអាកាស Super Neymar ល្បី​រន្ទឺ​ពេញ​ស្រុកខ្មែរ គឺលោក រ៉េត សុវណ្ណនាថ បានចូល​រោង​ការ​ជាមួយកូនក្រមុំដ៏ស្រស់ស្អាត ធី ស្រីតូច នាថ្ងៃទី១១ ខែកក្ដដា ឆ្នាំ២០២០ខាងមុខ។ នេះបើយោងតាមគណនីហ្វេសប៊ុកឈ្មោះ អ្នកគាំទ្រ បាល់ទះស្រុកខ្មែរ ដែលបានបង្ហោះសារជូនពរអ្នកទាំងពីរស្រលាញ់គ្នារហូត និងមានសុភមង្គល និងឆាប់មានកូនប្រើ។

ក្នុងនោះដែរ បណ្ដាអ្នកគាំទ្រដែលស្នេហាវិស័យកីឡាបាល់ទះជាច្រើន បានបង្ហាញអារម្មណ៍សប្បាយរីករាយ នឹងគូស្វាមីភរិយាថ្មី ហើយជូនពរអ្នកទាំងពីរទទួលបានសុភមង្គល និងរកទទួលទានមានបានជាហូរហែ លើបណ្ដាញ​សង្គម​ហ្វេសប៊ុក។ មិនតែប៉ុណ្នោះ កីឡាករបាល់ទះល្បីលំដាប់​ស្រុក​ខ្មែរ សុវណ្ណនាថ ភរិយា​របស់​គេ​បានជាប់​ជា​ស្រីស្អាតប្រចាំស្រុកពាមជរ ខេត្តតាព្រៃវែងទៀត​ផង​។ពិធីមង្គលការ​ដៃគូសឺវីសឥតស្រមោល​ម៉ាប់ឆ្វេង នឹងធ្វើឡើងនៅគេហដ្ឋានខាងស្រីនៅភូមិពងទឹក ឃុំក្រាំងយ៉ង ស្រុកពាមជរ ខេត្តព្រៃវែង។

មានចចាមអារ៉ាមថា ក្រោយ​ពី​រៀបការរួច សុវណ្ណនាថ អាចនឹងឈប់លេងបាល់ទះរហូត ប៉ុន្តែ​យ៉ាងណាចំពោះដំណឹង​នេះ​​ ត្រូវ​បាន​សមីខ្លួនច្រានចោល ដោយអះអាងគេនឹងប្រឡូកដូចដើមវិញ៕