ភ្នំពេញ​ ៖ ជឿថាប្រិយមិត្តច្បាស់ជាបានស្គាល់រួចមកហើយថា អតីត​បេក្ខនារី​X Factor Cambodia កញ្ញា​លៀង ចាន់ ឡា ធ្លាប់​ទទួល​ការ​អាណិតអាសូរ​ពី​មហាជន​មិន​ស្ទើរ​នោះ​ទេ ក្រោយពី​ដឹង​ប្រវត្តិ​ដ៏​កម្សត់​របស់​នាង ដោយសារ​មាន​ជីវភាព​ក្រីក្រ និង​ជា​ក្មេង​រស់នៅ​កំព្រា​ឪពុក ត្រូវ​តស៊ូ​ជាមួយ​ម្ដាយ​ដើម្បី​ជីវភាព​ប្រចាំ​ថ្ងៃនោះ​។

យ៉ាងណាមិញបន្ទាប់ពីបានល្បីមួយរយៈស្រាប់តែមានគេទម្លាយពីចរិតពិតរបស់នាងខ្ទេច ភ្លាមនោះ ធ្វើឲ្យ ចាន់ឡា ធ្លាក់ចុះនូវសំឡេងគាំទ្រយ៉ាងខ្លាំងរហូតមកដល់បច្ចុប្បន្ននេះ នាងមិនសូវមានអ្នកគាំទ្រទេ ។ ទន្ទឹមនិងនេះដែបើទោះបីជាមិនសូវមានអ្នកគាំទ្រ និងទទួលបានការរិះគន់យ៉ាងណាក៏ដោយ ក៏ចាន់ឡា នៅតែខំប្រឹងតស៊ូ នៅក្នុងអាជីព​សិល្បៈ​របស់​នាង ហើយនាងមិនបាន​បោះបង់​ទៅតាមការរិះគន់ពីសំណាក់មនុស្សមួយចំនួនឡើយ រហូត​មួយរយៈពេលក្រោយមកនេះឃើញថា រូប​នាង​កសាង​ឈ្មោះ មានឱកាស​ចេញ​បទ​ចម្រៀង​ជា​បន្ត​បន្ទាប់ ពិសេស​ចុង​ក្រោយនេះ ឃើញ​ចេញ​បទ​ចម្រៀង​នៅ​ផលិតកម្ម​Tz Production។

ដោយឡែកនៅកាលពីពេលថ្មីៗនេះ ចាន់ឡា បានធ្វើឲ្យមហាជនជាច្រើនបានសម្តែងការភ្ញាក់ផ្អើលយ៉ាងខ្លាំងក្រោយឃើញសម្រស់របស់នាងមានការប្រែប្រួលស្ទើរតែទាំងស្រុង មើលទៅដូចជាស្រស់ស្អាតជាងមុនឆ្ងាយណាស់ មិនត្រឹមតែប៉ុណ្ណោះទេ ចាន់ឡា ក៏បានបង្ហោះសារមួយឃ្លាជូនទៅមហាជនផងដែរ «​ចង់បាន​ច្រមុះ​ដូច​ចាន់​ឡា​អត់ ចង់បាន​ទរង់​មុខ​ស្អាត​អត់ បើ​ចង់បាន​កុំ​ភ្លេច​ឆា​តទៅ​ដុក​ទ័​រ​ដ៏​ស្រស់ស្អាត Lorn ALexណា បងប្អូន​ទាំងអស់គ្នា​» ៕