លោកស្រីទ្រី ដាណា ដើរចែកអំណោយទាំងជើងទទេ ហើយមេឃកំពុងភ្លៀងខ្លាំងទៀត តែចែដាណា ប្រាប់ថា...
ស៊ីហៀង
- 1079

នៅថ្ងៃនេះ លោកស្រី​ ទ្រី ដាណា បានទៅដល់ខេត្តកំពង់ស្ពឺហើយ ដើម្បីយកអំណោយទៅចែកជូន ដល់បងប្អូនប្រជាពលរដ្ឋ ដែលរងគ្រោះ ដោយសារជំនន់ទឹកភ្លៀង ជួបនូវការលំបាក លិចលង់ ផ្ទះសំបែង បាត់បង់ផលដំណាំ ។ ដោយមើលឃើញពីទុក្ខលំបាករបស់បងប្អូនទាំងអស់គ្នា លោកស្រី ទ្រី ដាណា ស្វាមី និងក្រុមការងារ បានរៀបចំស្បៀង អង្ករ 10តោន, មី 360កេះ, ត្រីខ 500យួរ,​ទឹកស៊ីអ៊ីវ 500យួរ សរុបជាថវិកា ជាងមួយម៉ឺនដុល្លារ មកប្រគល់ជូនរដ្ឋបាលខេត្តកំពង់ស្ពឺ។

ជាក់ស្តែងនៅក្នុងគណនីហ្វេសប៊ុករបស់លោក ស្រី ទ្រី ដាណា បានបង្ហោះសារថា "មកដល់ខេត្តកំពង់ស្ពឺហើយបងប្អូនថ្ងៃនេះនាងខ្ញុំ ស្វាម៉ី និងម្ចាស់ដេប៉ូ បាននាំយកអំណោយ អង្ករ 10តោន, មី 360កេះ, ត្រីខ 500យួរ,​ទឹកស៊ីអ៊ីវ 500យួរ សរុបជាថវិកា ជាងមួយម៉ឺនដុល្លារ មកប្រគល់ជូនរដ្ឋបាលខេត្តកំពង់ស្ពឺ ដើម្បីចូលរួមជួយជនរងគ្រោះដោយទឹកជំនន់។ ត្រូវជួយគ្នា ក្នុងពេលដ៏លំបាកនេះ"។ មេឃភ្លៀងខ្លាំងណាស់ តែចែដាណានៅតែញញឹមមិនរងារទេ"។

ជាមួយគ្នានោះផងដែរ ក៏មានបងប្អូនជាច្រើន បានសម្តែងការ ត្រេកអរ និងរីករាយបំផុត ដែលមានមនុស្សចិត្តល្អ ចិត្តបុណ្យ បានយកអំណោយមកចែកជូន បងប្អូនប្រជាពលរដ្ឋ ដែលកំពុងតែជួបទុក្ខលំបាកនាពេលនេះ៕