យ៉ាងម៉េចទៀតហើយ! WHO ខកចិត្តក្រោយអ្នកវិទ្យាសាស្រ្តខ្លួនចេញបេសកកម្មទៅទីក្រុងវូហានទៅហើយ ស្រាប់តែត្រូវចិនរារាំងមិនឲ្យចូលប្រទេសទៅវិញ ដោយសារតែ

(បរទេស) អង្គការសុខភាពពិភពលោកបាននិយាយថា ប្រទេសចិនបានរារាំងការមកដល់នៃក្រុមអ្នកវិទ្យាសាស្រ្តរបស់ខ្លួនដែលចេញបេសកកម្មស៊ើបអង្កេត ពីប្រភពដើមនៃការឆ្លងរាលដាលនៃវីរុសកូរ៉ូណា ដែលនេះជាការស្តីបន្ទោសដ៏កម្រមួយពីទីភ្នាក់ងារអង្គការសហប្រជាជាតិ នេះបើយោងតាមការចុះផ្សាយរបស់ CNN នៅថ្ងៃ ទី៦ មករានេះ។

អគ្គនាយកអង្គការសុខភាពពិភពលោក Tedros Adhanom Ghebreyesus បាននិយាយថាអ្នកវិទ្យាសាស្ត្រពីរនាក់មកពីអង្គការសហប្រជាជាតិ និងជាមន្រ្តីរបស់WHO បានចាកចេញពីប្រទេសកំណើតរបស់ពួកគេទៅទីក្រុង Wuhan រួចហើយនៅពេលពួកគេត្រូវបានគេប្រាប់ថាមន្រ្តីចិនមិនបានយល់ព្រមលើការអនុញ្ញាតចាំបាច់ដើម្បីចូលប្រទេសនោះទេ ទាំងដែលបេសកម្មនេះបានព្រមព្រៀងជាមួយចិនរួចរាល់ទៅហើយ។

លោក Tedros បានប្រាប់សន្និសីទសារព័ត៌មាននៅទីក្រុងហ្សឺណែវកាលពីថ្ងៃអង្គារថា“ ខ្ញុំខកចិត្តយ៉ាងខ្លាំងចំពោះព័ត៌មាននេះ” ។ ខ្ញុំបានទាក់ទងជាមួយមន្ត្រីជាន់ខ្ពស់ចិនហើយខ្ញុំបានបញ្ជាក់ជាថ្មីម្តងទៀតថាបេសកកម្មនេះគឺជាអាទិភាពសម្រាប់អង្គការសុខភាពពិភពលោកនិងក្រុមអន្តរជាតិតែប៉ុណ្ណោះ។

យ៉ាងណាក៏ដោយ លោក Tedros បាននិយាយថាអង្គការសុខភាពពិភពលោក "មានបំណងចង់បំពេញបេសកកម្មឱ្យបានឆាប់តាមដែលអាចធ្វើទៅបាន" ហើយថាគាត់បាននិយាយថា "ទីក្រុងប៉េកាំង ត្រូវតែផ្តល់ការធានាដើម្បីពន្លឿននីតិវិធីផ្ទៃក្នុងសម្រាប់ការធ្វើការស៊ើបអង្កេតរកប្រភពនៃមេរោគនេះជាលើកដំបូងអោយបានលឿនបំផុត" ។

គួរបញ្ជាក់ថា Dr. Michael Ryanនាយកប្រតិបត្តិកម្មវិធីបន្ទាន់ផ្នែកសុខភាពរបស់អង្គការសុខភាពពិភពលោកបានមានប្រសាសន៍ថា វាមានបញ្ហាទាក់ទងនឹងទិដ្ឋាការហើយសមាជិកក្រុមម្នាក់បានវិលត្រឡប់ទៅផ្ទះវិញហើយ។ ម្នាក់ទៀតកំពុងរង់ចាំធ្វើដំណើរឆ្លងកាត់ប្រទេសទីបី ក្រោយប្រទេសចិនបដិសេធមិនអោយពួកគេចូលក្នុងប្រទេស។

ប្រែសម្រួលដោយ ដាណយ

ប្រភព៖ cnn