កំពង់ស្ពឺ ៖ លោកគ្រូ លឹម សាយ គឺជាគ្រូបង្វឹកលោតឆត្រយោងមួយរូប ដែលបានលោកបានស្លា.ប់បាត់បង់ជីវិតនៅក្នុងបេសកកម្មលោតឆត្របញ្ជា ( Free Fall ) ក្នុងការបិទវគ្គហ្វឹកហ្វឺនជំនាញកុម្ម៉ង់ដូ ជំនាន់ទី១០ វគ្គហ្វឹកហ្វឺនជំនាញឆត្រយោងជំនាន់ទី២៩ និង បើកវគ្គហ្វឹកហ្វឺនជំនាញឆត្រយោង ជំនាន់ទី៣០ នៅសាលាហ្វឹកហ្វឺនទ័ពពិសេស តេជោសែនឱរ៉ាល់ ខេត្តកំពង់ស្ពឺនៅថ្ងៃទី១៤ ខែមករា ឆ្នាំ២០២១ ។
ជាក់ស្តែងបើយោងទៅតាមការបង្ហោះរបស់គណនីហ្វេសប៊ុកលោក ទិត្យ វិច្ចិកា បានធ្វើការបង្ហោះរៀបរាប់បែបនេះថា ៖ « ២០ឆ្នាំជាងនេះបងខំប្រឹងដើម្បីបំរើប្រទេសជាតិក្នុងការចូលរួមបង្កើនធនធានមនុស្សអោយមានជំនាញ PARA KOMANDO បានច្រើនរួចហើយ ពេលនេះបងប្អូនយើងដែលជាគ្រូបង្វឹកទាំងអស់គ្នាពិតជាសោកស្តាយខ្លាំងណាស់ដែលបងទៅទាំងនៅស្រស់ណឹងភ្នែក...ពេលនេះខ្ញុំសូមគោរពនឹងសូមចូលរួមចែករំលែកទុក្ខយ៉ាងក្រៀមក្រំចំពោះបងប្រុស សូមបងប្រុសទៅកាន់សុគតិភពផងចុះ បុព្វហេតុដេីម្បីជាតិមាតុភូមិ» ។
សូមជម្រាបផងដែរថាមូលហេតុដែលធ្វើឲ្យលោកគ្រូ លឹម សាយ ទទួលមរណភាពគឺដោយសារតែលោកគ្រូលោតខុសបច្ចេកទេសទើបបណ្ដាលឲ្យ ធ្លា.ក់ បា. ត់ប.ង់ជីវិតភ្លាមៗតែម្តង៕
