អបអរសាទរ! ព្រះមហាក្សត្រ ចេញព្រះរាជក្រឹត្យ ប្រោសព្រះរាជទានគ្រឿងឥស្សរិយយស ដល់លោកឧកញ៉ា ហ៊ីង បញ្ញារិទ្ធ និងលោកស្រី ទ្រី ដាណា ជា...
ស៊ីហៀង
- 1013

ភ្នំពេញៈ​ ព្រះមហាក្សត្រខ្មែរ ព្រះករុណា ព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជក្រឹត្យប្រោសប្រទាន គ្រឿងឥស្សរិយយស ជាតូបការចំនួន៤រូប , គ្រឿងឥស្សរិយយស ព្រះរាជាណា​ចក្រកម្ពុជា ថ្នាក់មហាសេរីវឌ្ឍន៍ ចំនួន២២រូប, គ្រឿងឥស្សរិយយស សម្តេចព្រះមហាក្សត្រីយានី ព្រះស៊ីសុវត្ថិ មុនីវង្ស កុសុមៈ នារីរ័ត្នថ្នាក់ មហាសេរីវឌ្ឍន៍ ចំនួន៨រូប។

ជាមួយគ្នានោះផងដែរ សូមចូលរួមត្រេកអរ ចំពោះ លោកឧកញ៉ា ហ៉ីង បញ្ញារិទ្ធ (ហ៊ា រិទ្ធ) និងលោកស្រី ទ្រី ដាណា ដែលបានព្រះមហាក្សត្រប្រោសព្រះរាជទាន គ្រឿងឥស្សរិយយសថ្នាក់ ជាតូបការ ជាគ្រឿងឥស្សរិយយស ថ្នាក់ខ្ពស់បំផុត នៃព្រះរាជាណាចក្រកម្ពុជា ដល់អ្នកទាំងពីរ។

គួររំលឹកផងដែរ លោកឧកញ៉ា ហ៉ីង បញ្ញារិទ្ធ និងលោកស្រី ទ្រី ដាណា បានចុះជួយដល់សង្គមជាតិជាច្រើន នាពេលកន្លងមក ហើយបច្ចុប្បន្ននេះ លោកស្រី និងស្វាមី កំពុងតែបន្តសកម្មភាពចុះចែកអំណោយដល់ផ្ទះរបស់ប្រជាពលរដ្ឋ ដោយផ្ទាល់តែម្តង ដោយមិនខ្លាចកាយនឿយហត់អ្វីឡើយ ។ ទាំងអស់នេះគឺកើតចេញពីសេចក្តីស្រលាញ់ និងការអាណិតដល់បងប្អូនដែលកំពុងតែជួបនូវការលំបាក៕