នៅពេលអ្នកគិតអំពីសំណង់នានាកាលពីរាប់ពាន់ឆ្នាំមុន ដូចជាប្រាសាទពីរ៉ាមីតជាដើម អ្នកប្រហែលជាសួរខ្លួនឯងថា តើមនុស្សសម័យបុរាណប្រើបច្ចេកទេសយ៉ាងដូចម្ដ៉េចក្នុងការ លើកដុំថ្មធ្ងន់ ៗ ទាំងអស់នោះ ដើម្បីសាងសង់ជាប្រាសាទបាន?

ជាការពិតណាស់ពួកគេបានអភិវឌ្ឍន៍នូវប្រព័ន្ធសាងសង់របស់ពួកគេ ដើម្បីធ្វើឱ្យការងាររបស់ពួកគេប្រកបដោយភាពរលូន នៅក្នុងការលើកដុំថ្មដែលមានទំងន់ធ្ងន់។ ដែលនេះមិនមែនជាការងាយស្រួលទេ ក្នុងការដែលស្វែងរកបច្ចេកទេសដ៏ត្រឹមត្រូវក្នុងការអភិវឌ្ឍន៍នូវការងាររបស់ពួកគេ ដែលទាមទារឱ្យពួកគេមានការតាំងចិត្ដខ្ពស់និងការលះបង់ជាច្រើនក្នុងការដែលធ្វើឱ្យការងាររបស់ពួកគេទទួលបានជោគជ័យ។

បុរសចំណាស់ម្នាក់នៅរដ្ឋមីឈីហ្គែនបានសម្រេចចិត្តថាគាត់ចង់បង្ហាញអាថ៌កំបាំងបុរាណមួយចំនួនហើយបន្ទាប់ពីការសាកល្បងនិងកំហុសជាច្រើនទីបំផុតគាត់បានបង្កើតប្រព័ន្ធមួយក្នុងការអូសរំកិលមួយគឺការប្រើនូវឈើរំកិលជាមួយនឹងតិចនិកក្នុងការប្រើថ្មតូចស៊កពីក្រោមដុំថ្មដ៏ធំនោះ ដែលគាត់អាចប្រើដើម្បីលើកដុំថ្មទំហំណាមួយហើយផ្លាស់ទីវាទៅកន្លែងណាមួយ។

ក្នុងការប្រើបច្ចេកទេសមួយនេះត្រូវបានគេប្រើក្នុងការសង់សង់ថ្ម Stonehenge ដ៏អស្ចារ្យមួយដែលមានអាយុកាលជាង៣០០០ពាន់ឆ្នាំ ក្នុងចក្រភពអង់គ្លេស ដែលធ្វើឱ្យអ្នកប្រវត្ដិសាស្ដ្រមានការងឿងឆ្ងល់ជាច្រើនទសវត្ស អំពីការរំកិលថ្មនេះឡើង។

ទោះយ៉ាងណាបុរសនេះប្រើបច្ចេកទេសលើកបុរាណដែលគាត់បានរកឃើញជាថ្មីដើម្បីឈរប្លុកបេតុង ២០ តោនដោយខ្លួនឯងដោយមិនមានគ្រឿងម៉ាស៊ីនទេ។ វិធីដែលគាត់ធ្វើនេះគឺគាត់ធ្វើឱ្យមានតុល្យភាពនៅលើផ្ទាំងថ្មពីរបីនៅកណ្តាលហើយបន្ទាប់មកចាក់ថ្មទៅខាងក្រោយដោយបន្ថែមផ្ទាំងថ្មនៅផ្នែកម្ខាងៗរាល់ពេលមានកន្លែងទំនេរ។

ជាមួយនឹងបច្ចេកទេសនេះគាត់បានទទួលជោគជ័យក្នុងការលើកដុំថ្ម ២០ តោន កម្ពស់ ៣ ហ្វីតឡើងលើអាកាសប៉ុន្តែវាមិនមែនអ្វីៗទាំងអស់នោះទេ។ គាត់ក៏ទទួលជោគជ័យក្នុងការលើកប្លុកបញ្ឈរដោយលាងខ្សាច់ពីក្រោមប្លុកដែលបន្ទាប់មកបង្កើតកន្លែងទំនេរបន្ថែមទៀតដើម្បីឱ្យប្លុកអនុលោមតាមទំនាញផែនដីហើយធ្វើឱ្យផ្នែកធ្ងន់របស់វាធ្លាក់ចុះថែមទៀត។ ភាពខ្លាំងនៃបញ្ញារបស់មនុស្សគឺគំនិតដ៏អស្ចារ្យបំផុតក្នុងការអភិវឌ្ឍន៍។

ទស្សនាវីដេអូខាងក្រោមដែលបរុសម្នាក់លើកថ្មទម្ងន់២០តោនដោយប្រើដៃរបស់គាត់៖

សម្រួលអត្ថបទដោយ៖ SOPHEA

ប្រភព៖ musclecarszone